«Dapuścim, mianie sfatahrafavali i napisali: ministry napilisia» — fotafakt
Ministr sportu i turyzmu Aleh Kačan prakamientavaŭ pachod u Łondanie ŭ juvielirnuju kramu.
- Ci bačyli ŭ internecie svaje fatahrafii Iharam Zaičkavym [1-y vice-prezident NAK, pamočnik Łukašenki pa pytańniach fizkultury, sportu i raźvićcia turyzmu], Ciacierynym [kapitan tenisnaj zbornaj] i Hieorhijem Katulinym [hienieralnym sakratarom NAK] kala juvielirnaj kramy? Jaki kaštoŭnyja mietały tam šukali?
Źleva naprava: Kačan, Katulin, Ciacieryn, Zaičkaŭ
Katulin i Ciacieryn vychodziać z kramy. Doraha?
- Nijakija. Nu što tut skazać? Paparacy tut chapaje. Prosta viartalisia ź viaślarnaha kanała, zajechali ŭ adnu z rezidencyj brytanskaj karalevy.
Ja ž nie tolki ministr sportu, ale i ministr turyzmu.
Išli, zacikavilisia, nahnulisia pahladzieć, što na vitrynach jość, i źjechali.Ministry - takija ž prostyja ludzi, jak i ŭsie astatnija. Možna ŭ takim stanoviščy sfatahrafavać čałavieka, što potym ničoha nie dakažaš. Voś idzie čałaviek, jamu stała drenna. Jon upaŭ. Abo voś ja, dapuścim, pavaliŭsia na asfalcie. A mianie sfatahrafavali i napisali: ministry napilisia. Ci skazali: bamžy lažać. Moža ž i takoje być. Ludzi traplajuć u roznyja pikantnyja situacyi. Toje ž samaje tut.