U Horkach vybary ŭžo adbylisia
«Dažynki» supali z vybarami, tamu «studentam skazali prahałasavać i vyzvalić internaty».
Na učastku № 3 u Horkach za pieršy dzień daterminovaha hałasavańnia paŭdzielničali ŭ vybarach 883 čałavieki — bolš za pałovu vybarščykaŭ sa śpisu. Na im u asnoŭnym hałasujuć studenty. Voś što raspaviała naziralnica kampanii «Pravaabaroncy za svabodnyja vybary» Halina Budnaja:
«Učora ŭ pieršy dzień hałasavańnia možna skazać, što jany prosta chvalaj tudy rynulisia. Ja akurat naziraju na hetym učastku. Za pieršyja paŭhadziny z momantu adkryćcia da pałovy na adzinaccatuju prahałasavali kala 250 čałaviek…Sprava ŭ tym, što sioleta ŭ nas „Dažynki“ supali z vybarami ci naadvarot. Jany buduć 21–22 vieraśnia. U Horki pryjedzie vielmi šmat haściej. Ich treba niekudy sialić. Tamu studentam skazali prahałasavać i vyzvalić internaty».
Na momant zakryćcia ŭčastka prahałasavali 883 čałavieki z 1600.