CHAMAS pierakryje tranślacyi «Barsiełony»
Urad hrupoŭki CHAMAS, jakaja kantraluje Siektar Haza, paviedamiŭ, što pierakryje tranślacyi matčaŭ ispanskaj «Barsiełony» ŭ znak pratestu suprać taho, što hety kłub zaprasiŭ na matčy ŭ jakaści hanarovaha hościa Hiłada Šalita — izrailskaha sałdata, jaki 5 hadoŭ pravioŭ u pałonie CHAMAS i byŭ vyzvaleny ŭ abmien na 1027 paleścinskich bajevikoŭ.
Matč, na jaki zaprošany Šalit, adbudziecca 7 kastryčnika pamiž «Barsiełonaj» i jaje tradycyjnym supiernikam — madrydskim «Reałam».
Daviedacca pra vynik matču z paleścinskaj presy žychary Hazy taksama nie zmohuć: na rasparadžeńnie CHAMAS pisać pra «Barsiełonu» budzie zabaroniena.
«Barsiełona» — samy papularny futbolny kłub siarod paleścincaŭ. Isłamisty ŭspryniali zaprašeńnie Šalita jak zdradu i zapatrabavali ad kłuba admianić jaho, pahražajučy zvarotam u mižnarodnyja arhanizacyi.