Hun Cziańvej: Kitaj zanduje hlebu nakont udziełu ŭ pryvatyzacyi AAT «Biełaruśkalij»

Kitaj źjaŭlajecca adnym z samych bujnych imparcioraŭ biełaruskich kalijnych uhnajeńniaŭ, adznačyŭ nadzvyčajny i paŭnamocny pasoł Kitaja ŭ Biełarusi Hun Cziańvej 28 vieraśnia na pres-kanfierencyi ŭ Minsku.

«Asabliva šmat hetaj pradukcyi spažyvaje poŭdzień KNR, — udakładniŭ jon. — Akramia biełaruskich uhnajeńniaŭ zakuplajucca taksama rasijskija i kanadskija, ažyćciaŭlajucca pastaŭki z Paŭdniova-Uschodniaj Azii, pakolki asvajeńnie šerahu radoviščaŭ u hetym rehijonie adbyvałasia pry ŭdziele kitajskich inviestycyj. U suviazi z rostam pastavak ź inšych krain dola „Biełaruśkalija“ na rynku KNR niekalki skaračajecca. Ale Kitaj zacikaŭleny ŭ pastajannym pavieličeńni impartu kalijnych uhnajeńniaŭ ź Biełarusi na ŭzajemavyhadnych umovach».

Pavodle słoŭ dypłamata, Kitaj zacikaŭleny ŭ pavieličeńni abjomaŭ impartu biełaruskaha kaliju. Kraina hatova pracavać z kampanijaj «Sajuzkalij», pieramovy pra stvareńnie jakoj viaduć «Urałkalij» i «Biełaruśkalij». Cziańvej taksama adznačyŭ, što Kitaj viadzie «zandziravańnie hleby» ź biełaruskimi ŭładami ab udziele ŭ pryvatyzacyi AAT «Biełaruśkalij».

Kamientary da artykuła