Nickelback trymaŭ zału za horła + foty

1.11.2012 / 11:43

Juraś Uskoŭ, fota Iryny Arachoŭskaj

31 kastryčnika na «Minsk-arenie» vystupiŭ supierpapularny kanadski hurt.

Pryjezd u Minsk kanadskaha hurtu Nickelback staŭ adnoj z asnoŭnych muzyčnych navinaŭ siezona-2012. Reč u tym, što, zdajecca, upieršyniu ŭ Minsku vystupiŭ hurt, jaki na Zachadzie nazyvajuć «aktualnym». Pieśni kanadcaŭ nie źnikajuć z efiraŭ, a albomy razychodziacca šalonymi nakładami.

Vakoł minskaha kancerta adrazu ŭtvaryŭsia infarmacyjny vichor — u Kijeŭ nie pryjechali, daviałosia ŭkraincam jechać da nas, prylataŭ menedžar, praviaraŭ «Minsk-arenu», muzyki pieradali pryvitańnie biełarusam i hetak dalej.

Na ŭvachodzie ŭ «Minsk-arenu» stajać babulki-śpiekulanty i pytajucca pra lišnija kvitki. Volnych miescaŭ na kancercie chapała: nabity pad zaviazku tancpoł i paŭpustyja trybuny pakazali, što biełarusy vydatkavać ad 400 tysiač rubloŭ da amal dvuch miljonaŭ nie hatovyja.

Što cikava, pustymi zastalisia samyja tannyja miescy.

A darma:

Nickelback byli ŭ vydatnaj formie —

jany voziać prahramu novaha alboma Here and Now užo dosyć daŭno, sfarmiravany set-list, jaki mianiajecca zusim troški. I ŭ Piciery, i ŭ Maskvie, i ŭ Minsku było adno i toje: 15 pieśniaŭ plus dźvie na bis. Dla zachodnich muzykantaŭ heta ŭvohule charakterna — adpracavać prahramu i «katać» jaje bieź pierapynku.

Znakamityja 100 ton aparatury, jakija hurt pryvioz z saboj, spracavali — dla «Minsk-areny» huk byŭ vielmi niakiepskim,

navat nie daviałosia kłaści ŭ vušy kavałački vaty, kab «pačyścić» hučańnie.

Lidar hurta Čed Kruhier vyhladaje jak piersanaž siaredniaj stanoŭčaści z amierykanskaha filma.

Pierad kožnaj pieśniaj jon zaklikaŭ «śpiavać razam», abiacaŭ viarnucca jašče i mianiaŭ hitary adnu za adnoj. Hledačy im zachaplalisia: chtości zdoleŭ pieradać śpievaku miakkuju kvietku vytvorčaści Žłobinskaha kambinata, jakuju muzyka prychavaŭ niedzie za ŭzmacnialnikami.

Užo na piervym treku muzyki «uziali zału za horła» i nie adpuskali da apošniaha. Prafiesijanały.

Tak umieje mała chto. Fanaty ŭ adkaz ładzili fłešmoby: na When We Stand Together zał schapiŭsia za ruki, na Rockstar pačaŭ śviacić mabilnymi telefonami. Skłałasia ŭražańnie, što šou raspałanavanaje z abodvuch bakoŭ.

Čytajcie taksama:

Kamientary da artykuła