Łukašenka zadavoleny ŭmovami pastaŭki hazu i nafty z Rasii

Pra heta jon zajaviŭ 12 listapada na sustrečy sa studentami i vykładčykami fakulteta mižnarodnych ekanamičnych znosin BDEU.

«Damovilisia z Rasijaj pa pryrodnym hazie, hod užo žyviem, nastupny hod — taksama ŭsio adnosna narmalna pa pryrodnym hazie», — cytuje kiraŭnika dziaržavy infarmahienctva BiełTA.

«Va Ukrainie siońnia razvalvajecca ekanomika. Čamu? Pryrodny haz atrymlivajuć prykładna pa 450–480 dołaraŭ za 1 tys. kub. m.

Toje ž samaje i adnosna nafty. «U nas tolki 2 młn. ton ułasnaj nafty.

Jak paviedamlałasia raniej, u kastryčniku prajšli pieramovy pra pavieličeńnie abjomaŭ pastaŭki nafty ŭ Biełaruś u čaćviortym kvartale 2012 hady ŭ suviazi z «rastvaralnym» biźniesam. Pakul baki nazyvajuć roznyja ličby, kažučy pra abjomy nafty, jakaja budzie pastaŭlena z Rasii ŭ Biełaruś. Pieršy vice-premjer Uładzimir Siamaška zajaviŭ, što z rasijskim bokam dasiahnuta damoŭlenaść pra pastaŭku ŭ Biełaruś u čaćviortym kvartale 5,3 młn. ton nafty. U svaju čarhu namieśnik ministra enierhietyki Rasii Pavieł Fiodaraŭ paviedamiŭ, što razhladajecca mahčymaść pastaŭki 4,8 młn. ton nafty va ŭviazcy sa zvarotnymi pastaŭkami 200 tys. ton bienzinu. Pasoł RF Alaksandr Surykaŭ nazvaŭ ličbu — nie bolš za «technična mahčymyja» 4,8 młn. ton.

Pry hetym Surykaŭ padkreśliŭ, što roznyja ličby pastavak u Biełaruś rasijskaj nafty ŭ čaćviortym kvartale ŭźnikajuć nie z-za pryncypovaj pazicyi Rasii, a z-za techničnaj mahčymaści pastavak. Zakranuŭšy abjomy pastavak u Biełaruś rasijskaj nafty ŭ 2013 hodzie, Surykaŭ adznačyŭ, što hetaje pytańnie taksama zaležyć, u pryvatnaści, ad techničnych mahčymaściaŭ. «Biełaruski bok zapytaŭ 23 młn. ton. Naš bok čuchaje patylicu. Vyvučajecca techničnaja mahčymaść pastaŭki takoha abjomu», — skazaŭ jon.

U 2012 hodzie pastaŭki rasijskaj nafty ŭ Biełaruś składuć 21,5 młn. ton, što adpaviadaje hadavomu bałansu.

Kamientary da artykuła