U Paŭdniovaj Afrycy zatrymany čałaviek, jaki prahłynuŭ 220 ałmazaŭ

14.11.2012 / 21:21

Palicyja ŭ Paŭdniovaj Afrycy aryštavała čałavieka, jaki prahłynuŭ 220 ałmazaŭ, sprabujučy vyvieźci ich kantrabandaj z krainy.

Palicyja PAR paviedamiła pra aryšt 25-hadovaha livanca ŭ aeraporcie Tamba ŭ Jochanesburhu pry sprobie palacieć u Dubaj.

Renthienaŭskaje abśledavańnie aryštavanaha pakazała, što ŭ žyvacie ŭ jaho znachodziacca ałmazy. Kaštoŭnyja kamiani paśpiachova dastali.

Košt znojdzienych ałmazaŭ pieravyšaje 2,5 młn dalaraŭ.