Skrabiec adroksia abaroncy
Palitviazień Siarhiej Skrabiec adroksia pasłuh advakata M.Chomiča. Žonka eks-deputata pałaty pradstaŭnikoŭ tłumačyć, što heta źviazana z materyjalnymi ciažkaściami, jakija spaznali rodnyja palityka.
Hrošy na eter
U biudžet ZŠA na ažyćciaŭleńnie zamiežnapalityčnaj dziejnaści ŭ 2006—2007 h. zakładziena $10 młn dla «pavieličeńnia viaščańnia na Biełaruś». Zakonaprajekt vyniesieny na razhlad Pałaty pradstaŭnikoŭ Kanhresu ZŠA.
Kab nie pili
U pałatu pradstaŭnikoŭ pastupiŭ zakonaprajekt, jaki praduhledžvaje kryminalnuju adkaznaść — pazbaŭleńnie prava zajmać peŭnyja pasady z vypłataj štrafu, albo prymusovyja pracy na termin da dvuch hadoŭ ci aryšt na paŭhodu — za kiravańnie transpartnym srodkam u stanie apjanieńnia. Adkaznaść nastupić u tym vypadku, kali parušeńnie ŭčyniena ciaham hodu paśla nakładańnia administracyjnaha spahnańnia za hetyja ž dziejańni. Budzie bolš žorstkim i administracyjnaje pakarańnie za kiravańnie aŭtamabilem u niećviarozym stanie — štraf ad 15 da 35 bazavych vieličyń z pazbaŭleńniem pravoŭ na try hady albo administracyjny aryšt z pazbaŭleńniem pravoŭ.
Ech, darohi!
Tolki 50% praciahłaści daroh u Biełarusi adpaviadajuć normam, — kanstatujuć u departamencie «Biełaŭtador». Nie zabiaśpiečana patrabavanaja roŭnaść na 5,5 tys. km daroh, 7650 km majuć niedastatkovuju tryvałaść «darožnaha adzieńnia».
Londan-2012
Letnija alimpijskija hulni 2012 hodu projduć u Londanie. Tak pastanavili čalcy MAK na pasiadžeńni 6 lipienia ŭ Synhapury. Supiernikam brytanskaj stalicy byŭ Paryž, jakomu nie dapamahło ni teatralizavanaje spartovaje šoŭ miesiac tamu na Jelisiejskich palach, ni prezentacyjny rolik suśvietnaviadomaha Luka Besona. Maskva vybyła ŭ pieršym tury adboru.
AH; belta.by, svaboda.org
