Скрабец адрокся абаронцы
Палітвязень Сяргей Скрабец адрокся паслуг адваката М.Хоміча. Жонка экс-дэпутата палаты прадстаўнікоў тлумачыць, што гэта зьвязана з матэрыяльнымі цяжкасьцямі, якія спазналі родныя палітыка.
Грошы на этэр
У бюджэт ЗША на ажыцьцяўленьне замежнапалітычнай дзейнасьці ў 2006—2007 г. закладзена $10 млн для «павелічэньня вяшчаньня на Беларусь». Законапраект вынесены на разгляд Палаты прадстаўнікоў Кангрэсу ЗША.
Каб не пілі
У палату прадстаўнікоў паступіў законапраект, які прадугледжвае крымінальную адказнасьць — пазбаўленьне права займаць пэўныя пасады з выплатай штрафу, альбо прымусовыя працы на тэрмін да двух гадоў ці арышт на паўгоду — за кіраваньне транспартным сродкам у стане ап’яненьня. Адказнасьць наступіць у тым выпадку, калі парушэньне ўчынена цягам году пасьля накладаньня адміністрацыйнага спагнаньня за гэтыя ж дзеяньні. Будзе больш жорсткім і адміністрацыйнае пакараньне за кіраваньне аўтамабілем у нецьвярозым стане — штраф ад 15 да 35 базавых велічынь з пазбаўленьнем правоў на тры гады альбо адміністрацыйны арышт з пазбаўленьнем правоў.
Эх, дарогі!
Толькі 50% працягласьці дарог у Беларусі адпавядаюць нормам, — канстатуюць у дэпартамэнце «Белаўтадор». Не забясьпечана патрабаваная роўнасьць на 5,5 тыс. км дарог, 7650 км маюць недастатковую трываласьць «дарожнага адзеньня».
Лёндан-2012
Летнія алімпійскія гульні 2012 году пройдуць у Лёндане. Так пастанавілі чальцы МАК на пасяджэньні 6 ліпеня ў Сынгапуры. Супернікам брытанскай сталіцы быў Парыж, якому не дапамагло ні тэатралізаванае спартовае шоў месяц таму на Елісейскіх палях, ні прэзэнтацыйны ролік сусьветнавядомага Люка Бэсона. Масква выбыла ў першым туры адбору.
АГ; belta.by, svaboda.org
Двайнікі вядомых беларусаў. І не кажыце, што не задумваліся пра іх падабенства11
Каментары