Jak buduć raźvivacca padziei na Kastryčnickim placy dalej? Adkazvajuć kulturnyja i hramadzkija dziejačy.
Lavon Volski, muzyka: Nieabchodnaja prahrama kankretnych dziejańniaŭ — stajańnie na placy samo pa sabie daje mała plonu, aproč karcinki. Heta dobra, ale pieramieny ŭ hramadztvie i biaz hetaha vidavočnyja. Patrebny ruch dalej. Naprykład, zbor podpisaŭ za praviadzieńnie paŭtornaha hałasavańnia ci niešta kštałtu hetaha. Hałoŭnaje — nie stajać na miescy.
Uładzimier Arłoŭ, piśmieńnik: Na hety momant hałoŭnaje — pratrymacca da 25 sakavika. Kožny dzień adbyvajucca zatrymańni ŭdzielnikaŭ akcyi supracivu, adnak kolkaść tych, chto štodnia dałučajecca da pikietoŭcaŭ, značna bolšaja. Rašeńni pra dalejšyja dziejańni možna budzie prymać zychodziačy z maštabnaści praviadzieńnia akcyi, pryśviečanaj Dniu Voli.
Tadevuš Havin, zasnavalnik Sajuzu palakaŭ Biełarusi: Prabačcie, ja nie mahu pakul adkazać na pytańnie, tolki što viartajusia z dopytu ad śledčaha. (Sp. Havina padazrajuć u padpale viaskovaj chaty. — “NN”.)
Hienadź Sahanovič, historyk: U mianie padčas znachodžańnia na płoščy skłałasia ŭražańnie, što tam zašmat stychijnaści. A stajańnie na płoščy musić być razumnym i asensavanym. Padziei ad 19 sakavika ŭžo zaśviedčyli, što my narešcie pieratvarajemsia ŭ paŭnavartasnuju hramadzianskuju supolnaść, što nas nie ŭdałosia zastrašyć.
Treba pratrymacca da 25-ha. I hetaje stajańnie musić prynieści plon. Ja baču taki varyjant: pry vialikaj kolkaści mitynhoŭcaŭ adbyvajecca farmavańnie niejkaha Narodnaha orhanu kiravańnia, jaki budzie mieć paŭnamoctvy vykazvać i abaraniać intaresy ŭsich prychilnikaŭ pieramienaŭ. Mienavita takoje farmavańnie mahło b inicyjavać pierahlad vynikaŭ vybaraŭ.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)