Tax free ŭ Biełarusi budzie składać 800 tys. rubloŭ 2

Minimalnaja suma pakupak pry ŭviadzieńni sistemy tax free ŭ Biełarusi składzie 800 tys. rubloŭ.

Pra heta na pres-kanfierencyi 5 śniežnia ŭ Minsku paviedamiła namieśnik ministra handlu Iryna Narkievič.

«My dyskutavali ab sumie tavaraŭ. Heta budzie 800 tys. biełaruskich rubloŭ, abo pryblizna 100 dołaraŭ. U Litvie, Polščy heta 50 jeŭra, u Italii — 180 jeŭra — takaja płanka», — skazała Narkievič.

Jana zaznačyła, što hetaja sistema nie budzie raspaŭsiudžvacca na turystaŭ z krain Mytnaha sajuza (Rasii i Kazachstana).

«Ale dla turystaŭ ź inšych krain takaja sistema budzie dziejničać, bo jany zaŭsiody niešta kuplajuć. Heta budzie dobra i dla biełaruskaha tavaru, i dla brendavych mahazinaŭ», — miarkuje namieśnik ministra.

Narkievič nahadała, što pryniata rašeńnie ab uviadzieńni hetaj sistemy z 2013 hoda. «My pajšli navat napieradzie Rasii», — zaznačyła namieśnik ministra. Uniesieny adpaviednyja źmieny ŭ Padatkovy kodeks. «Uviadzieńnie sistemy budzie dla nas vielmi dobrym da 2014 hoda, kali ŭ suviazi z čempijanatam śvietu pa chakiei pavialičycca patok zamiežnych turystaŭ», — zaznačyła jana.

***

Sistema tax free — heta mižnarodnaja prahrama kampanii Global Refund, jakaja dazvalaje atrymlivać hrašovuju kampiensacyju PDV, što ŭvachodzić u košt kuplenaha za miažoj tavaru. Pasłuhami kampanii štodzionna karystajucca zvyš 22 tysiač čałaviek va ŭsim śviecie. Kožny, chto viartajecca z-za miažy z pakupkami, zroblenymi ŭ mahazinach tax free, maje prava na hrašovuju kampiensacyju sumy padatkaŭ, vypłačanaj za nabytyja tavary. U siarednim, u zaležnaści ad padatkovaha zakanadaŭstva krainy znachodžańnia, suma, jakuju viartajuć, składaje ad 10 da 20% ad koštu tavaru. Hetyja hrošy možna atrymać pry prachodžańni mytnaha kantrolu, pakidajučy krainu znachodžańnia.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH