U tumanie: 60 hadoŭ tamu «Vialiki smoh» zabiŭ 4 tysiačy łondancaŭ
Hetymi dniami ŭ Vialikabrytanii adznačajuć uhodki «vialikaha smohu», jaki ŭ 1952 hodzie zabraŭ žyćcio 4 tysiač łondancaŭ. «Vialiki smoh» nazyvajuć samaj strašnaj paślavajennaj katastrofaj u Vialikabrytanii.
«Vialiki smoh» staŭ sumnym rezultatam uzajemadziejańnia pryrody, starych technałohij i čałaviečaj niadbałaści. U piatnicu 5 śniežnia 1952 hoda na Łondan apuściŭsia ščylny tuman. Da taho ž nadvorje było niezvyčajna chałodnym, i ludzi aktyŭna palili piečy. U jakaści paliva ŭ tyja časy bolšaść užyvała kamienny vuhal, jaki davaŭ husty čorny dym. Hetym ža vuhalem palili piečy na fabrykach. Palić piečy vuhalem łondancam zabaraniali jašče ŭ XIV stahodździ, ale žychary ŭsio adno viarnulisia da hetaha tannaha anhlijskaha paliva. Paharšali situacyju i vychłapy znakamitych łondanskich dvuchpaviarchovych aŭtobusaŭ i hruzavikoŭ z dymnymi i nieekałahičnymi dyzielnymi ruchavikami.
I choć kranaŭščyki ŭ dokach kazali, što na vyšyni 20 mietraŭ nieba čystaje, na ziamli było nie vidać ničoha dalej za niekalki mietraŭ. Kožny dzień łondanskija kominy vykidvali 1 000 ton dymu, 2 000 ton vuhlekisłaty, 140 ton salanaj kisłaty i 14 ton złučeńniaŭ ftoru. Tuman źmiešvaŭsia ź siarnistym hazam...
Praz smoh byli admienienyja śpiektakli i kinapakazy — ekranaŭ było prosta nie vidać. Ale łondancy źviartali mała ŭvahi na tuman, bo tuman nie redkaść dla Łondana. Smoh raśsiejaŭsia praz 4 dni i za hety čas zabiŭ kala 4 000 žycharoŭ: u asnoŭnym dziaciej, starych i chvorych na reśpiratornyja zachvorvańni. Urad chacieŭ schavać sapraŭdnyja maštaby trahiedyi, ale jany ŭsio adno stali viadomy hramadskaści.
«Vialiki smoh» padšturchnuŭ ułady Vialikabrytanii da pryniaćcia adnych ź pieršych u śviecie zakonaŭ pa abaronie pryrody.
Ciapier čytajuć
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ3
Kamientary