6 śniežnia ŭ Niaśvižy (Minskaja vobłaść) padpisany vynikovyja dakumienty demarkacyi styku dziaržaŭnych miežaŭ Biełarusi, Łatvii i Rasii. Heta aznačaje, što biełaruski bok poŭnaściu zaviaršyŭ demarkacyju miažy z Łatvijaj i ŭ cełym prybałtyjskaha ŭčastka miažy.
Jak zajaviŭ načalnik upraŭleńnia delimitacyi i demarkacyi miažy Dziaržpahrankamiteta Biełarusi Alaksandr Archipaŭ, praces ustanaŭleńnia miažy z Łatvijaj byŭ pačaty jašče ŭ 1992 hodzie z delimitacyi dziaržmiažy, i «siońnia z padpisańniem demarkacyjnych dakumientaŭ hety praces skončany». «Kali kazać pra histaryčnuju retraśpiektyvu, to demarkacyjnyja dakumienty na ŭvieś učastak
Mienavita siońnia, pavodle słoŭ pradstaŭnika Dziaržpahrankamiteta, zavieršana ŭstanaŭleńnie miažy na ŭsim prybałtyjskim učastku. Dakumienty ab demarkacyi punkta styku ź Litvoj i Polščaj byli padpisany 30 maja hetaha hoda.
«Punkt styku miežaŭ Biełarusi, Łatvii i Rasii — heta apošni punkt ź Biełaruśsiu i pieršy zavieršany z Rasijaj, — zaznačyła dyrektar jurydyčnaha departamienta MZS Łatvii Iryna Manhule. — Padpisanyja dakumienty vielmi važnyja dla našaj krainy. Praca z kalehami była vielmi zładžanaj, my pracavali jak adna kamanda. My ŭsie zadavoleny vynikam pracy i možam hanarycca joju».
Manhule taksama zajaviła, što ŭ Łatvii pryznajuć paśpiachovym supracoŭnictva ź Biełaruśsiu ŭ pamiežnych pytańniach.
Pavodle infarmacyi pasła pa asablivych daručeńniach MZS Rasii Alaksieja Obuchava, rasijski bok znachodzicca ŭ pracesie afarmleńnia svaich dziaržaŭnych miežaŭ z prybałtyjskimi krainami. «My davoli daloka prasunulisia ŭ hetych adnosinach ź Litvoj, my praciahvajem pracavać z Łatvijaj. Punkty styku ŭjaŭlajuć saboj apornyja punkty, niervovyja vuzły, splacieńni», — skazaŭ jon.
Praciahłaść dziaržaŭnaj miažy Biełarusi składaje zvyš 3,6 tys. km, ź jakich bolš za 172 km — z Łatvijaj, z Rasijaj — pryblizna 1 tys. 283 km.