Pa stanie na 3 śniežnia razhledžana pytańnie ab prymianieńni amnistyi ŭ dačynieńni da 14.593 asudžanych (usiaho padpadaje pad amnistyju 15.112 čałaviek), jakija znachodziacca ŭ miescach pazbaŭleńnia voli. Pra heta paviedamili ŭ MUS Biełarusi.
Načalnikami papraŭčych ustanoŭ zakrytaha typu vyniesieny pastanovy ab vyzvaleńni ad dalejšaha adbyvańnia pakarańnia 2.800 čałaviek.
Pryniata rašeńnie ab skaračeńni terminu pakarańnia na adzin hod u dačynieńni da 5.562 asudžanych.
Admoŭlena ŭ amnistyi 6.230 asudžanym.
Nahadajem, akramia asob, jakija znachodziacca pad vartaj, zakon Respubliki Biełaruś «Ab amnistyi niekatorych katehoryj asob, što ŭčynili złačynstvy» ad 9 lipienia 2012 hoda raspaŭsiudžvajecca na asudžanych, da jakich prymieniena pakarańnie, nie źviazanaje z pazbaŭleńniem voli. Z takoj katehoryi pad amnistyju padpadajuć bolš jak 7,5 tys. čałaviek. Pa stanie na 1 listapada 4.842 asudžanych vyzvaleny ad dalejšaha adbyvańnia pakarańnia, 1.957 — termin skaročany na hod.
Zakon utrymlivaje pieralik asob, na jakich dziejańnie amnistyi nie raspaŭsiudžvajecca. Siarod inšych heta asudžanyja, jakija ŭchilajucca ad adbyvańnia pakarańnia, abvieščanyja ŭ vyšuk, złosnyja parušalniki režymu, jakija na pakryli ŭron, a taksama tyja, da kaho na praciahu 2005–2012 hadoŭ amnistyja abo pamiłavańnie ŭžo prymianialisia, ale jakija znoŭ učynili naŭmysnaje złačynstva ŭ pieryjad niaźniataj ci niepahašanaj sudzimaści.
Zakon ab amnistyi nabyŭ moc 11 lipienia. Jon pavinien być vykanany na praciahu šaści miesiacaŭ z dnia aficyjnaha apublikavańnia.
Pry realizacyi zakona z papraŭčych ustanoŭ zakrytaha typu mierkavałasia vyzvalić prykładna 2.180 źniavolenych, z papraŭčych ustanoŭ adkrytaha typu — prykładna 700.
