12 śniežnia premjer-ministr Michaił Miaśnikovič adpravicca ŭ Maskvu na pasiadžeńnie Savieta ministraŭ tak zvanaj «sajuznaj dziaržavy». Čakajecca, što kiraŭnik biełaruskaha ŭrada praviadzie pieramovy sa svaim kaleham Dźmitryjem Miadźviedzievym.
U 2012 hodzie subsidyi Maskvy biełaruskamu režymu praź źnižki cenaŭ na haz i naftu skłali kala 6 miljardaŭ dalaraŭ. Mienavita stolki skłała roźnica ŭ cenach dla susiednich Ukrainy, Litvy i, z druhoha boku, Biełarusi. Heta ahromnyja srodki. Jany adpaviadajuć prykładna tracinie biełaruskaha biudžetu. Za hetyja hrošy łukašenkaŭcy ŭtrymlivajuć samy mocny represiŭny aparat u rehijonie. A taksama realizujuć sacyjalnyja i infrastrukturnyja prajekty, kab utrymać uzrovień padtrymki nasielnictvam.
Rasija ŭžo harantavała pastaŭki hazu prykładna pa toj samaj canie, što i sioleta, i navat u bolšych absiahach. A voś z naftaj pakul šmat niajasnaściaŭ. Reč u tym što Minsk nie zadavoliŭsia naftavymi źnižkami i jašče hnaŭ na reekspart rasijskija rastvaralniki. U vyniku Maskva ličyć, što jaje biudžetu nanieśli škodu na 1,5—2 miljardy dalaraŭ. Hrošy asieli na rachunkach biznesoŭcaŭ, źviazanych z łukašenkaŭcami. U adkaz rasijski ŭrad vykazaŭ namier źnizić pastaŭki nafty na 2013-y na abjom vyviezienych u 2012-m rastvaralnikaŭ. Biełaruskaja administracyja sprabuje vybić raniejšy abjom. Voś pra heta i pojdzie havorka ŭ časie vizitu Miaśnikoviča.
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary