Prezidenta Tunisa zakidali kamianiami 1

Prezidenta Tunisa Mansefa Marzuki zakidali kamianiami ŭ paniadziełak, 17 śniežnia, padčas mierapryjemstva, pryśviečanaha hadavinie revalucyi.

Mierapryjemstva prachodziła ŭ horadzie Sidzi-Buzid, jaki nazyvajuć «kałyskaj revalucyi». Mienavita tam 17 śniežnia 2010 h.ździejśniŭ samaspaleńnie 26-hadovy Machamied Buaziz, pakłaŭšy tym samym pačatak paŭstańnia, padčas jakoha byŭ zrynuty prezident Bien Ali. Za padziejami ŭ Tunisie paśledavała chvala pratestaŭ u arabskich krainach, jakija atrymali nazvu «arabskaj viasny».

17 śniežnia 2012 hoda Marzuki źviarnuŭsia da piacitysiačnaha natoŭpu z pramovaj, u jakoj paabiacaŭ na praciahu paŭhoda palepšyć ekanamičnuju situacyju ŭ Sidzi-Buzidzie.

Jon pavinien byŭ sastupić trybunu śpikieru parłamienta Mustafie bien Džafaru, kali prysutnyja stali kidać u ich kamiani. Pratestoŭcy pry hetym vykrykvali łozunhi, siarod jakich było patrabavańnie adstaŭki ciapierašniaj ułady.

Achova chutka evakujavała prezidenta i śpikiera parłamienta ŭ biaśpiečnaje miesca. Ci paciarpieli kiraŭnik dziaržavy i śpikier, nie paviedamlajecca.

U Tunisie pieryjadyčna adbyvajucca akcyi pratestu.

Žychary krainy niezadavolenyja tym, što novyja ŭłady tak i nie zmahli palepšyć ekanamičnaje stanovišča ŭ samych biednych rehijonach dziaržavy. Vysoki ŭzrovień biespracoŭja i nizki ŭzrovień žyćcia byli klučavymi faktarami, jakija pryviali da revalucyi ŭ Tunisie.

lenta.ru

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH