Spyniajecca dziejnaść dabračynnaha fondu «Dzieciam Čarnobyla». Pra heta paviedamiŭ staršynia fondu Hienadź Hrušavy 21 śniežnia na
Pavodle jaho słoŭ, fond «Dzieciam Čarnobyla» «vykanaŭ svaju sacyjalnuju misiju».«Roŭna 23 hady tamu, 21 śniežnia, pieršaja hrupa čarnobylskich dziaciej vylecieła na azdaraŭleńnie za miažu. Potym było piać tysiač dziaciej, potym sto tysiač, potym trysta tysiač… Ciapier dzieci Čarnobyla vyraśli, u ich jość ułasnyja dzieci, i zaraz my im mała čym možam dapamahčy. Zaraz ich los va ŭłasnych rukach. Fond vykanaŭ svaju sacyjalnuju misiju, i nielha taptacca na placoŭcy, jakaja hublaje svoj sens», — zajaviŭ Hrušavy.
Za hety čas, adznačyŭ jon, pamiž siemjami biełarusaŭ i siemjami hramadzian inšych dziaržaŭ, jakija prymali na azdaraŭleńnie dziaciej, ustalavałasia šmat piersanalnych kantaktaŭ. «Tysiač piatnaccać tolki ja viedaju, i hetyja ludzi daŭno majuć siabroŭskija adnosiny. My vykanali svaju misiju. I my nie turystyčnaje biuro, kab praciahvać niejkija asobnyja hrupy vyvozić za miažu», — skazaŭ Hrušavy.
Jon padkreśliŭ, što za 23 hady isnavańnia fondu ŭdałosia vyrašyć «adnu dziaržaŭnaj važnaści zadaču».«My pavinny byli padniać heta pravincyjalnaje hramadstva na dziejnaść, źviazanuju z samadapamohaj, na dziejnaść, źviazanuju z tym, kab ratavać ułasnych dziaciej svaimi rukami i siłami. I my hetu zadaču vykanali», — zajaviŭ Hrušavy.
Ciapier, adznačyŭ jon, pryjšoŭ čas inšych dziejańniaŭ i inšych prajektaŭ. Tamu, paviedamiŭ Hrušavy, jon uvajšoŭ u saviet novaj arhanizacyi Platform Innovation, jakaja budzie zajmacca prablemaj dapamohi źniavolenym.
«Zapuskajcie dalej saluty, a ja vykliču milicyju». Biełarusy spračajucca pra zabaronu na fiejervierki2
Kamientary