Vasil Parfiankoŭ
13 śniežnia pry aryštnym domie śledčaha izalatara № 6 u Baranavičach prajšło pasiadžeńnie kamisii pa padavańni materyjałaŭ pa
«Kamisija pryniała rašeńnie admović Parfiankovu va UDV na padstavie, što jon „nie paŭstaŭ na šlach vypraŭleńnia“.Viadoma, što palitźniavoleny atrymlivaŭ spahnańni z boku administracyi papraŭčaj ustanovy za niaznačnyja parušeńni», — zaznačyŭ pravaabaronca.
Pavodle jaho słoŭ, adno sa spahnańniaŭ było vyniesiena ŭ kastryčniku, paśla taho jak Parfiankoŭ zachvareŭ.Jon try razy pisaŭ zajavu na sustreču z uračom, adnak sustrecca ź im nie dazvolili. Paśla hetaha Parfiankoŭ nastolki drenna siabie adčuvaŭ, što nie zdoleŭ ranicaj padniacca z łožka na pavierku. Za heta jamu vyniesiena spahnańnie.
«Parfiankoŭ niazhodny z rašeńniem kamisii i vyrašyŭ jaho asprečvać. Ad jaho imia padadziena chadajnictva ŭ administracyju aryštnaha doma, bo mienavita jana farmiruje hetu kamisiju, ab źmienie rašeńnia, pryniataha kamisijaj pa padavańni materyjałaŭ na
U lutym 2011 hoda sud Frunzienskaha rajona stalicy pryznaŭ jaho vinavatym va ŭdziele ŭ masavych biesparadkach i pryhavaryŭ da čatyroch hadoŭ pazbaŭleńnia voli z adbyvańniem pakarańnia ŭ kałonii strohaha režymu. Akramia taho, Parfiankoŭ pavinien byŭ vypłacić bolš jak 14 młn. rubloŭ za raźbitaje škło dźviarej u Domie ŭrada padčas niesankcyjanavanaj akcyi apazicyi.29-hadovy Vasil Parfiankoŭ byŭ pieršym asudžanym pa spravie ab masavych biesparadkach 19 śniežnia 2010 hoda.
Asudžany adbyvaŭ pakarańnie ŭ aršanskaj papraŭčaj kałonii, ale ŭ žniŭni 2011 hoda byŭ pamiłavany ŭkazam prezidenta. U studzieni hetaha hoda ŭ dačynieńni da Parfiankova ŭstanavili prafiłaktyčny nahlad, a ŭ krasaviku Śledčy kamitet Pieršamajskaha rajona Minska raspačaŭ suprać byłoha palitźniavolenaha novuju kryminalnuju spravu — za parušeńni ŭmoŭ prafiłaktyčnaha nahladu. Zhodna ź viersijaj pravaachoŭnych orhanaŭ, Parfiankoŭ parušyŭ paradak vykanańnia ŭmoŭ previentyŭnaha nahladu, u pryvatnaści adsutničaŭ pa miescy žycharstva biez uvažlivaj pryčyny, za što dvojčy na praciahu hoda atrymaŭ administracyjnaje spahnańnie.
Parfiankoŭ rastłumačyŭ, što vychodziŭ z doma ŭ mahazin na niekalki chvilin, kab kupić pradukty. «Sam previentyŭny nahlad, liču, byŭ ustanoŭleny nada mnoj z metaj abmiežavać moj udzieł u hramadskaj dziejnaści. Nie liču, što pachodam u mahazin ja ŭčyniŭ złačynstva», — zajaviŭ jon.
29 maja sud Pieršamajskaha rajona Minska pryznaŭ Parfiankova vinavatym u parušeńni ŭmoŭ prafiłaktyčnaha nahladu i pryhavaryŭ da šaści miesiacaŭ aryštu. 24 lipienia Minski haradski sud pakinuŭ pryhavor u sile.
