Пра гэта паведаміў праваабаронца Валянцін Стэфановіч.
13 снежня пры арыштным доме следчага ізалятара № 6 у Баранавічах прайшло пасяджэнне камісіі па падаванні матэрыялаў па
«Камісія прыняла рашэнне адмовіць Парфянкову ва УДВ на падставе, што ён „не паўстаў на шлях выпраўлення“.Вядома, што палітзняволены атрымліваў спагнанні з боку адміністрацыі папраўчай установы за нязначныя парушэнні», — зазначыў праваабаронца.
Паводле яго слоў, адно са спагнанняў было вынесена ў кастрычніку, пасля таго як Парфянкоў захварэў.Ён тры разы пісаў заяву на сустрэчу з урачом, аднак сустрэцца з ім не дазволілі. Пасля гэтага Парфянкоў настолькі дрэнна сябе адчуваў, што не здолеў раніцай падняцца з ложка на паверку. За гэта яму вынесена спагнанне.
«Парфянкоў нязгодны з рашэннем камісіі і вырашыў яго аспрэчваць. Ад яго імя пададзена хадайніцтва ў адміністрацыю арыштнага дома, бо менавіта яна фарміруе гэту камісію, аб змене рашэння, прынятага камісіяй па падаванні матэрыялаў на
У лютым 2011 года суд Фрунзенскага раёна сталіцы прызнаў яго вінаватым ва ўдзеле ў масавых беспарадках і прыгаварыў да чатырох гадоў пазбаўлення волі з адбываннем пакарання ў калоніі строгага рэжыму. Акрамя таго, Парфянкоў павінен быў выплаціць больш як 14 млн. рублёў за разбітае шкло дзвярэй у Доме ўрада падчас несанкцыянаванай акцыі апазіцыі.29-гадовы Васіль Парфянкоў быў першым асуджаным па справе аб масавых беспарадках 19 снежня 2010 года.
Асуджаны адбываў пакаранне ў аршанскай папраўчай калоніі, але ў жніўні 2011 года быў памілаваны ўказам прэзідэнта. У студзені гэтага года ў дачыненні да Парфянкова ўстанавілі прафілактычны нагляд, а ў красавіку Следчы камітэт Першамайскага раёна Мінска распачаў супраць былога палітзняволенага новую крымінальную справу — за парушэнні ўмоў прафілактычнага нагляду. Згодна з версіяй праваахоўных органаў, Парфянкоў парушыў парадак выканання ўмоў прэвентыўнага нагляду, у прыватнасці адсутнічаў па месцы жыхарства без уважлівай прычыны, за што двойчы на працягу года атрымаў адміністрацыйнае спагнанне.
Парфянкоў растлумачыў, што выходзіў з дома ў магазін на некалькі хвілін, каб купіць прадукты. «Сам прэвентыўны нагляд, лічу, быў устаноўлены нада мной з мэтай абмежаваць мой удзел у грамадскай дзейнасці. Не лічу, што паходам у магазін я ўчыніў злачынства», — заявіў ён.
29 мая суд Першамайскага раёна Мінска прызнаў Парфянкова вінаватым у парушэнні ўмоў прафілактычнага нагляду і прыгаварыў да шасці месяцаў арышту. 24 ліпеня Мінскі гарадскі суд пакінуў прыгавор у сіле.
Цяпер чытаюць
У Маладзечне ў пустым вагоне знайшлі 27-гадовага амерыканца, які нелегальна трапіў у Беларусь4
Каментары