Dobrušskaja papiarovaja fabryka nieefiektyŭna vykarystała 6,6 młrd rubloŭ

Dobrušskaja papiarovaja fabryka nieefiektyŭna vykarystała 6,6 młrd. rubloŭ na vytvorčaść ofisnaj papiery, jakaja nie karystajecca popytam, vyśvietlili kantralory

Homiel, 5 studzienia. Markietynhavuju palityku filijała «Dobrušskaja papiarovaja fabryka «Hieroj pracy» AAT «Kiraŭnickaja kampanija chołdynhu «Biełaruskija špalery» Kamitet dziaržkantrolu nazvaŭ «pasiŭnaj i niepradumanaj». Jana pryviała da nieefiektyŭnaha vykarystańnia 6,6 młrd. rubloŭ, patračanych na ŭkaranieńnie aŭtamatyčnaj linii pa vytvorčaści ofisnaj papiery, i adciahvańniu 1 młrd. rubloŭ abarotnych srodkaŭ.

Jak paviedamili BiełaPAN u KDK Homielskaj vobłaści, pravierkaj ustanoŭleny fakty biezhaspadarčaści, nieefiektyŭnaha vykarystańnia srodkaŭ, parušeńniaŭ zakona ŭ dziejnaści filijała «Dobrušskaja papiarovaja fabryka «Hieroj pracy».

Jak pakazała pravierka, inviestycyjny prajekt pa asvajeńni vytvorčaści dvuchsłojnaj špalernaj papiery, termin realizacyi jakoha zakončyŭsia ŭ krasaviku 2012 hoda, dahetul nie realizavany.

U miežach vykanańnia inviestycyjnaha prajekta pa arhanizacyi vytvorčaści vysakajakasnaj papiery ofisnaj u pačkach u krasaviku 2011 hoda fabrykaj uviedziena ŭ ekspłuatacyju niamieckaja aŭtamatyčnaja linija dla vytvorčaści i ŭpakoŭki ofisnaj papiery Bielomatik koštam 596 tys. jeŭra. Mierkavałasia arhanizavać vytvorčaść tannaj ofisnaj papiery vysokaj jakaści, adnak dasiahnuć zapłanavanaha kiraŭnictvu fabryki z 2011 hoda tak i nie ŭdałosia.

Dahetul zapłanavanyja biźnies-płanam ab`iomy vytvorčaści papiery nie dasiahnutyja. Z krasavika 2011 hoda pa kastryčnik 2012 hoda na linii vyrablali ŭ siarednim 11,3 tys. pačkaŭ papiery ŭ miesiac, što skłała tolki 2,8% ad ab`iomu, praduhledžanaha biźnies-płanam (400 tys. pačkaŭ u miesiac).

Pry hetym fabrykaj dapuščana zatavaranaść składu hatovaj pradukcyi. Na kaniec kastryčnika 2012 hoda zapasy ofisnaj papiery pieravysili 1 młrd. rubloŭ i skłali amal čatyrochmiesiačny ab`iom jaje vytvorčaści.

Bolš jak pałova składskich zapasaŭ skłała papiera kłasa D z afsietnaj papiery ŭłasnaj vytvorčaści z łahatypam «Kapiejka».

Nizkija ab`iomy realizacyi papiery ofisnaj tłumačacca słužbovymi asobami adsutnaściu pakupnickaha popytu ŭ suviazi z bolš vysokimi cenami ŭ paraŭnańni ź siaredniarynačnymi, a taksama nizkimi spažyvieckimi ŭłaścivaśniami papiery.

Z pačatku 2011 hoda i pa kastryčnik 2012 hoda fabryka nie pieramahła ni ŭ adnoj z 39 pracedur na zakupku papiery ofisnaj, u jakich brała ŭdzieł.

Pa vynikach pravierki KDK razhladajecca pytańnie ab prymianieńni mier adkazanści da filijała «Dobrušskaja papiarovaja fabryka «Hieroj pracy» i słužbovych asob.

• 0
• 0
• 0
• 0
• 0
• 0
• 0
• 0