Nieviadomyja sprabujuć naniać fatohrafa dla zdymki prysutnych na sustrečy ź Cichanoŭskim u Varšavie
Nieviadomyja sprabujuć arhanizavać fota– i videazdymku sustrečy sa Śviatłanaj i Siarhiejem Cichanoŭskimi 26 červienia ŭ Varšavie. Apłatu prapanujuć u tym liku ŭ kryptavalucie.
Nieviadomyja ź nikami «Maryja Habdulina» i «Taćciana Lebiedzieva» pisali biełarusam u telehramie, prapanoŭvajučy padpracoŭku: pryjści 26 červienia a 19:00 da pomnika Kapierniku ŭ Varšavie i źniać mitynh na videa abo fota.
U pierapiscy «Maryja» patłumačyła, što žyvie ŭ Vilni i pracuje pazaštatna dla vydańnia Port. Jana skazała, što «zdymki patrebnyja dla varšaŭskaha vydańnia, z apłataj u kryptavalucie ci na kartku».
Ale «Maryja» ŭ pierapiscy dapuskała pamyłki, časam havaryła pra siabie ŭ paviedamleńniach u mužčynskim rodzie.
Inšym biełarusam pisała «Taćciana Lebiedzieva». Jana taksama prapanoŭvała pryjści 26 červienia na mitynh i źniać prysutnych na videa. Za heta prapanavała zapłacić 100 jeŭra.
Na pytańnie dla kaho zdymki, adkazała, što dla «Humanitarnaj ustanovy «BAZA», piša «Miedyjazona».
Inšamu biełarusu «Lebiedzieva» napisała, što źniać treba budzie dla SMM-adździeła vydańnia Port.
Pa infarmacyi «Našaj Nivy», adnamu z surazmoŭcaŭ prapanoŭvali takija rascenki — 1 jeŭra za adnu źniatuju asobu.
U Portmedia, vydańni dla rasiejcaŭ, jakija pakinuli krainu, zajavili, što ni «Maryja Habdulina», ni «Taćciana Lebiedzieva» nie majuć dačynieńnia da redakcyi, i Port nie šukaje ni fatohrafaŭ, ni apierataraŭ.
Biełarusy, jakim pisali prapanovy pra supracoŭnictva, apubličyli heta, bo ličać, što za hetym mohuć stajać biełaruskija ci rasijskija śpiecsłužby: «Pierad bujnymi padziejami biełaruskaj apazicyi tak rehularna šukajuć… Standartnaja schiema».
-
Pamierła 32‑hadovaja dyzajnierka Volha Šaŭcova — amal pałovu svajho žyćcia jana zmahałasia z ankałohijaj
-
Novy kanflikt vakoł «Pahoni». Litoŭcy vinavaciać biełaruski futbolny kłub u kradziažy ich simvoliki
-
U Vaŭkavyskim rajonie žycharku vioski aštrafavali za vialikuju kolkaść katoŭ. Ale jurystka dapamahła adbicca
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary
Biedny Cichanoŭski - jamu jašče tolki treba budzie pabačyć, kudy jon vyjšaŭ i z kim treba budzie pracavać abok!
- Vy hiendierno niebinarny? - nu zdieś musora voobŝie popłaviło