Šakucin adčyniaje ŭ Maładziečnie zavod na 500 pracoŭnych miescaŭ
Ahulny abjom inviestycyj — Br450 młrd. Meta — impartazamiaščeńnie.
Daččynaje pradpryjemstva AAT «Amkador», ZAT «Amkador-Unikab», u 2014 hodzie arhanizuje sieryjnuju vytvorčaść darožna-budaŭničaj techniki ŭ Maładziečnie. Ab hetym karespandentu BiełTA paviedamiŭ staršynia savieta dyrektaraŭ AAT Alaksandr Šakucin.
Sioleta ŭ Maładziečnie pačniecca budaŭnictva zavoda pa vypusku darožna-budaŭničaj techniki, u tym liku impartazamiaščalnaj — aŭtahrejdaraŭ i asfaltaŭkładnikaŭ.
Vytvorčaść budzie naładžanaja ŭ nabytym na aŭkcyjonie ZAT
«Amkador-Unikab» niezavieršanym niezakansiervavanym kapitalnym budynku. Uźviadzieńnie i asnaščeńnie abstalavańniem budzie doŭžycca čatyry hady z ahulnym abjomam inviestycyj Br450 młrd. Pavodle umovaŭ aŭkcyjonu, ZAT pavinna ažyćciaŭlać pradprymalnickuju dziejnaść na zavodzie na praciahu dziesiaci hadoŭ z momantu jaho ŭvodu ŭ ekspłuatacyju i stvaryć nie mienš za 500 pracoŭnych miescaŭ.
«Sprobny ŭzor pieršaj mašyny — aŭtahrejdara — płanujecca vypuścić na zavodzie ŭžo ŭ 2013 hodzie.
Paralelna z budaŭničymi, mantažnymi pracami buduć pravodzicca vyprabavańni mašyny, — raspavioŭ Alaksandr Šakucin. — U 2014 hodzie na novym pradpryjemstvie pavinny prystupić da sieryjnaj vytvorčaści
darožna-budaŭničaj techniki, pierš za ŭsio impartazamiaščalnaj».
Asnoŭnym vidam dziejnaści daččynaha pradpryjemstva ZAT «Amkador-Unikab» źjaŭlajecca vytvorčaść kabin roznych madyfikacyj dla darožna-budaŭničaj techniki, lasnoj i sielskaj haspadarki. Pradukcyja pradpryjemstva pastaŭlajecca ŭ AAT «Amkador» u Minsk dla poŭnaj kamplektacyi techniki. ZAT «Amkador-Unikab» vypuskaje impartazamiaščalnuju pradukcyju — viłačnyja pahruzčyki ŭ elektra-i dyzielnym vykanańni, kabiny dla śpiecyjalnaj techniki.
Kamientary