Jak paviedamiŭ namieśnik načalnika Stolinskaha rajonnaha adździeła Śledčaha kamiteta Dźmitryj Płotnicki, cieła žančyny ŭ piatli na drevie ŭ lasnym masivie znajšła ranicaj 21 studzieniaśledča-apieratyŭnaja hrupa.
Na hety čas ustanoŭlena, što 20 studzienia zahinułaja była ŭ haściach u siastry ŭ vioscy, raźmieščanaj prykładna za 1,5 km ad miesca trahiedyi. Jana pajšła z doma siastry kala 16.00 na aŭtobusny prypynak i dadomu nie pryjechała. Pra źnikłuju 21 studzienia zajaviŭ u milicyju jaje muž.
«Pa ŭstanoŭlenych u chodzie ahladu miesca zdareńnia akaličnaściach, mierkavanaja pryčyna śmierci žančyny — suicyd. Jaho pryčyny i matyvy vyśviatlajucca», — dapoŭniŭ Płotnicki.
Zahinułaja žyła razam z mužam i dvuma małaletnimi dziećmi ŭ sielskim nasielenym punkcie. Siamja charaktaryzujecca stanoŭča. Pavodle słoŭ svajakoŭ žančyny, jana nie vykazvała namieraŭ źvieści rachunki z žyćciom.
Pravierku pa fakcie śmierci viaskoŭki pravodzić Stolinski rajonny adździeł Śledčaha kamiteta.
Kamientary