«Onierbank» pradadzieny, «Kredeksbank» pierajmienavany 2

Sajt Biełaruskaj valutna-fondavaj biržy (www.stock.bcse.by) paviedamiŭ ab prodažy 22 studzienia 100% akcyj «Onierbanka» za 5,1 młn. jeŭra.

15 młn. akcyj realizavana pa canie 125,89% ad naminału. «Onierbank» byŭ zarehistravany jak bank sa 100-pracentnym iranskim kapitałam. Jaho zasnavalnikami stali «Bank Refach Karharan», «Bank Saderat» i «Bank Tosieje Saderat». Statutny fond novaha banka byŭ sfarmiravany ŭ pamiery 46,71 młrd. rubloŭ, što na datu dziaržaŭnaj rehistracyi składała ŭ ekvivalencie bolš jak 11,5 młn. jeŭra.

Zarehistravanyja ŭ Biełarusi «Bank handlovy kapitał» i «Onierbank» ź iranskim kapitałam (97 i 100% adpaviedna) užo paŭtara hoda znachodziacca pad sankcyjami ŭrada ZŠA.

3 žniŭnia 2010 hoda Ministerstva finansaŭ ZŠA ŭniesła «Onierbank», a taksama «Bank handlovy kapitał» u śpis kampanij, da jakich prymianiajucca adnabakovyja sankcyi, — z-za taho što jany kantralujucca iranskimi bankaŭskimi strukturami. 23 studzienia 2012 hoda Minfin ZŠA ŭvioŭ sankcyi ŭ dačynieńni da iranskaha banka «Tedžarat» (u pierakładzie z farsi «handal»), jaki vałodaje 97% akcyj «Banka handlovy kapitał» (danyja 2010 hoda).

22 studzienia na sajcie Nacbanka źjaviłasia novaja nazva «Kredeksbanka» — «Interpejbank».

Minfin ZŠA 22 maja 2012 hoda vykazaŭ surjoznuju zakłapočanaść admyvańniem hrošaj «Kredeksbankam». Nacbank pravioŭ pazapłanavuju pravierku hetaha banka i ŭ kancy červienia paviedamiŭ, što danyja Minfina nie atrymali paćviardžeńnia. Pakul nieviadoma, z čym źviazana pieranajmienavańnie banka.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH