Praŭda, pastaviać jaho ŭ Kišyniovie.
U červieni 2013 hoda ŭ Kišyniovie płanujecca adkryć pomnik achviaram stalinskich represij. Kampazicyja «Ciahnik miortvych» budzie znachodzicca la kišynioŭskaha vakzała, adkul u stalinskija časy adpraŭlalisia ŭ niezvarotnaje ciahniki z represavanymi.
Stvaryŭ pomnik skulptar Jury Płaton, jaki naradziŭsia ŭ Kišyniovie, a žyvie ŭ Lejpcyhu.
Pa zadumie aŭtara, ludzi, vyjaŭlenyja ŭ kampazicyi, pastupova pieraŭtvarajucca ŭ miechanizmy mašyny śmierci.
Pomnik vyhladaje jak ciahnik z čałaviečych ciełaŭ – kali ŭ pačatku ciahnika heta zvyčajnyja ludzi, to ŭ siaredzinie jany pieraŭtvarajucca ŭ častki miechanizmu, kab u kancy stać kavałkami ciahnika, dźviaryma i voknami. Tyja, chto bačyŭ ponik, apisvajuć jaho jak alehoryju ruchu ŭ biaskoncaść. Ciapier hipsavuju kopiju pomnika pieravoziać u Biełaruś — tut budzie stvorana bronzavaja viersija «Ciahnika miortvych», pamieram 12 na 1.7 mietra i vyšynioju ŭ try mietry.
U Biełarusi tolki adzin pomnik achviaram stalinizmu, pastaŭleny z udziełam dziaržavy,kaža historyk Ihar Kuźniacoŭ.
«U 1989 hodzie ŭ Kurapatach byŭ zakładzieny kamień z šyldaj „U hetym lasnym masivie u adpaviednaści z pastanovaj Savieta ministraŭ Biełaruskaj SSR ad 18 studzienia 1989 hoda, budzie pabudavany pomnik achviaram represij 1937–1941 hadoŭ“. — raskazvaje historyk. — Zhodna z pastanovaj, musiŭ adbycca konkurs na pomnik, vydatkavanyja srodki. Kamień prastajaŭ z šyldaj da 2005 hoda, paśla šyldu skrali, my jaje adnavili, ale praz paru dzion jana iznoŭ źnikła.
Pastanovu Saŭmina, darečy, nichto dahetul nie admianiaŭ.Zaraz na tylnym baku, na kamieni pradublavany pieršapačatkovy tekst, a taksama nadpis „achviaram stalinizmu“. Heta da siońnia adziny pomnik achviaram stalinskich represij u Biełarusi».
-
Maładaja aktrysa Kołasaŭskaha teatra, jakaja začapiła ludziej vykazvańniem pra biełaruskuju movu, zvalniajecca
-
Pa-biełarusku vyjdzie «Biełaruski snajpier» pasła Šarepki, a Kviatkoŭski napisaŭ praciah «Frašak»
-
Mužčyny płačuć! Akcior i muzyka «Raźbitaha serca pacana» Pavieł Haradnicki zrabiŭ śpiektakl na vieršy Mikity Najdzionava
Ciapier čytajuć
Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia18
Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier77
Kamientary