Finalnaja stadyja Jeŭra-2020 projdzie ŭ 13 haradach pa ŭsioj Jeŭropie. Rašeńnie ab hetym było pryniata na pasiadžeńni Vykanaŭčaha kamiteta UEFA.
Matčy finalnaj stadyi buduć raźbityja na 13 pakietaŭ.
U 12 ź ich ŭvojduć pa try matčy hrupavoj stadyi i adnamu matču płej-of (1/8 abo 1/4 finału), a 13-y budzie składacca z abodvuch paŭfinałaŭ i finału.Usie matčy ŭ miežach adnoj krainy buduć prachodzić na adnym stadyjonie, u tym liku abodva paŭfinały i finał. Kožnaja asacyjacyja zmoža padać dźvie zajaŭki: adnu na standartnyja pakiety i adnu na paŭfinały / finał. Zajaŭki asobnych asacyjacyj mohuć pradstaŭlać i adzin, i dva horada.
U zajaŭku taksama možna ŭklučać prajekty stadyjonaŭ, ale ich budaŭnictva pavinna być zavieršana da 2016 hodzie.U vypadku nievykanańnia terminaŭ UEFA moža pierahledzieć svajo rašeńnie adnosna hetaj zajaŭki.
Minimalnaja jomistaść stadyjonaŭ pavinna być nastupnaj: 70 000 dla paŭfinałaŭ / finału, 60 000 dla 1/4 finału, 50 000 dla 1/8 finału i matčaŭ hrupavoha etapu. Mahčymyja nie bolš za dva vyklučeńni dla stadyjonaŭ jomistaściu 30 tysiač, jakim buduć addadzieny standartnyja pakiety dla hrupavych matčaŭ i 1/8 finału.
U kožnaj z šaści hrup finalnaj stadyi budzie nie bolš za dźvie kamandy - haspadyni čempijanatu. Kožnaj ź ich budzie harantavana jak minimum pa dva chatnija matčy hrupavoj stadyi. Dla płej-of nijakich harantyj nie praduhledžana.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)