Kali isnuje, dyk u čym jana palahaje? Pašukać roźnicu vyrašyli arhanizatary fotavystavy, što maje adbycca ŭ niamieckim miastečku Rehiensburh.
Špacyrujučy pa vioscy my, chutčej za ŭsio, nie paciahniemsia za kamieraj, kab sfatahrafavać, naprykład, voś hety čyrvony dom. Biust ža Lenina na fonie carkvy choć i padasca nam niedarečnym, ale, zhadziciesia, zvykłym. A voś z albomaŭ maładych niamieckich naviednikaŭ naša kraina paŭstaje mienavita takoj...
Biełaruś na svaje i čužyja vočy, dźvie pierśpiektyvy adnoj krainy – ideja prajekta fotavystavy, jakuju pasprabuje realizavać Uschodnie-Zachodni-Centr Rehiensburhskaha ŭniviersiteta 'JEŭrapieum'' (Das Ost-West-Zentrum der Universität Regensburg «Europaeum» ).
Da ŭdziełu zaprašajucca biełarusy, jakim nie bolš za 35 hadoŭ. Pačatkoŭcy i ŭžo prafiesijanały, što zhodnyja na publičnuju demanstracyju svaich zdymkaŭ. Roźnicy taksama niama i pamiž tym: drukavalisia hetyja zdymki ŭ miedyja ci nie, kalarovyja jany ci čorna-biełyja.
Hałoŭnaje -- ŭsiebakova pakazać Biełaruś, zakranuŭšy peŭnyja temy. Takija, naprykład, jak čałaviek (štodzionnaje žyćcio, śviaty, tradycyi, adukacyja, palityka i inšyja śfiery dziejnaści, partrety), pryroda, admietnaści, budynki i inš.
Tamu, kali Vy majecie fota, jakoje, na Vašuju dumku, mahło b raskazać ab našaj krainie, śmieła dasyłajcie jaho da 25 lutaha 2013 h. na nastupny adras: [email protected].
Nie zabudźciesia na podpis da zdymkaŭ: chto ich aŭtar, kali i što było źniata. Dasyłać ža na kožnuju temu možna da 10 prac farmatam da 300 dpi. Usiaho na vystavie, jakaja płanujecca ŭ mai-červieni, budzie pakazana pa 50 prac ad kožnaha z bakoŭ.
