Jamu robiać abiazbolvalnyja ŭkoły.
Staŭ viadomy dyjahnaz chvaroby, ad jakoj pakutuje ŭ Hrodzienskaj turmie lidar Maładoha fronta Źmicier Daškievič. «U Źmitra lekary vyjavili zapaleńnie centralnaha nierva», — paviedamiła žonka palitviaźnia Nasta Daškievič. Pavodle jaje źviestak, Źmicier ad prystupu chvaroby nie moh narmalna ruchacca i turemnyja lekary kałoli jamu abiazbolvajučyja leki. «Ale heta lačeńnie časovaje, i dalej Źmitru patrebna stałaja miedyčnaja dapamoha», — kaža Nasta.
Dniami list ad Źmitra Daškieviča atrymaŭ palitviazień Pavał Sieviaryniec, jaki adbyvaje «chimiju» ŭ Pružanskim rajonie. Pavał Sieviaryniec adznačaje, što i hety list ad Daškieviča, jak i byłyja, vielmi aptymistyčny i śvietły. «Pra svaju chvarobu jon ničoha nie napisaŭ, ale heta jak zaŭsiody — jon nikoli nie skardzicca na zdaroŭje, što b ź im ni było», — kaža Pavał Sieviaryniec.
Daškievič i Sieviaryniec praź listy abmieńvajucca i mierkavańniami pra palityčnuju situacyju. Hetym razam acenki Źmitra Daškieviča supali ź mierkavańniem Paŭła Sieviarynca.
«Asabliva šmat tut nie skažaš, a koratka možna paraŭnać palityčnuju situacyju z bałotam. I jon tak pra jaje i kaža. Navat jamu z turmy heta bačna».
Źmitra Daškieviča ŭtrymlivajuć ŭ haradzienskaj turmie. Pierad zakančeńniem dvuchhadovaha terminu źniavoleńnia nibyta za chulihanstva napiaredadni vybaraŭ palitviaźnia asudzili jašče na hod za niepadparadkavańnie administracyi kałonii i kinuli ŭ turmu jak złosnaha parušalnika režymu.
Ciapier čytajuć
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha82
Kamientary