Zdareńni22

Kryminalnuju spravu suprać Alaksandra Łukašenki (Pinsk) spynili - intervju ź im

Ź ciozki kiraŭnika dziaržavy źniali abvinavačvańni.

21 studzienia dyrektaram i mastackim kiraŭnikom Paleskaha dziaržaŭnaha teatra ŭ Pinsku pryznačyli Alaksandra Łukašenku. Sprava nieprykmietnaja, kali b były načalnik adździeła kultury Pinskaha harvykankama letaś nie byŭ pad śledstvam. Spačatku praviarali jaho pracu, a paśla zaviali i kryminalnuju spravu. Jaho vinavacili ŭ złoŭžyvańni słužbovymi paŭnamoctvami. Nibyta ŭ lutym 2012 na tydzień zvaziŭ u Polšču dzieviać svajakoŭ. Pikantnaść u tym, što pajezdka adbyłasia za haradskija hrošy. I jechać musiŭ ansambl «Paleskija zory». Suda ž tak i nie było. «Naša Niva» pahavaryła ź ciozkam kiraŭnika dziaržavy.

«NN»: Čym skončyłasia kryminalnaja sprava?

Alaksandr Łukašenka: Spravu zakryli z pryčyny adsutnaści składu złačynstva.

«NN»: Da suda tak i nie dajšło?

AŁ: Jaki sud, pra što vy kažacie. Śledčym kamitetam sprava była spyniena. I ŭ śniežni ja atrymaŭ aficyjny dakumient.

«NN»: Za hety čas vas zvolnili z pracy...

AŁ: Pačakajcie, ja syšoŭ sam z harvykankama. I toje, što pisali ŭ niekatorych ŚMI, heta ŭsio na sumleńni ludziej, jakija byli nie ŭ temie, nie viedali sutnaść situacyi.

Roznyja byli artykuły. Ja heta pieražyŭ.

U mianie ŭ kastryčniku skančaŭsia kantrakt u harvykankamie. I ja, nie dačakaŭšy zakančeńnia, napisaŭ zajavu na zvalnieńnia pa zhodzie bakoŭ. Pakolki rasśledavańnie jašče viałosia, kab, skažam tak, nikoha nie kampramietavać.

Dyj na siońniašniuju pasadu pryznačeńnie było zroblena pa ŭzhadnieńni z harvykankamam. A kali byli b pytańni da mianie, to na pracu nie pryniali.

«NN»: Rasśledavańnie ciahnułasia amal paŭhoda. Čamu tak doŭha?

AŁ: Ja pracavaŭ u harvykankamie da kanca vieraśnia. I nichto mianie ad pracy nie adchilaŭ. Byli pravierki ŭ hety čas: i pa pytańniach kryminalnaj spravy, i pa inšych. U červieni sprava była zakryta, potym znoŭ praciahnułasia. U kastryčniku znoŭ zakryli, a zatym praciahnuli. Dla taho, vidać, kab usio daskanała pravieryć-pierapravieryć. Praviarali maju pracu za try hady. U vyniku vyjavili parušeńni, ale jany byli drobnymi i nie ciahnuli na kryminalnuju spravu.

«NN»: Sprava suprać vas — pamyłka ci čyjaści pomsta?

AŁ: Ja nie chaču nakont hetaha havaryć. Niachaj tym ludziam budzie dobra. Ja mahu tolki zdahadvacca.

Zdarajecca, kiraŭnik traplaje ŭ situacyju, kali takija abvinavačvańni sychodziać ad ludziej, jakich prymusiŭ pracavać. I jany pačynajuć pa-drobnamu škodzić i pisać ananimki.
Kamuści chaciełasia hučnaj spravy. Kali adnym dobra, to druhim stanovicca kiepska. Nie chaču razborak z tymi, chto heta pačaŭ. Kali tak atrymałasia, značyć i ja ździejśniŭ kiraŭnickija pamyłki.

Heta byŭ dastatkova niepryjemny pieryjad majho žyćcia: ciažka było ŭ maralnym płanie. A ciapier ja chaču spakojna žyć i plonna pracavać u śfiery, dzie maje viedy i dośvied buduć zapatrabavanyja.

«NN»: A taja pajezdka ŭ Polšču ŭsio-tki była?

AŁ: Była. Ale kamuści padałosia, što my za biudžetnyja srodki źjeździli. Kali b heta było tak, to my z vami nie razmaŭlali zaraz. Sa mnoj jeździli kiraŭniki ŭstanoŭ kultury. I my brali svaich siamiejnikaŭ i siabroŭ, kab pamienšyć sabiekošt pajezdki. My nie byli tam u kamandziroŭcy — jechali za svaje hrošy. I škody dziaržbiudžetu my nie nanieśli.

A toje, što ŭ Paronin musiŭ nibyta jechać ansambl «Paleskija zory», to heta niapraŭda. Ansambl płanavaŭ jechać praz dva tydni ŭ polski Łobiez na Dzień horada. U artystaŭ byli navat vizy hatovyja. Ale tuju pajezdku ŭ vyniku pa ŭzhadnieńni z polskim bokam pieranieśli na bolš poźni čas.

Kamientary2

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Čakajecca novy raŭnd pieramovaŭ miž Biełaruśsiu i ZŠA — litoŭski ŚMI9

Čakajecca novy raŭnd pieramovaŭ miž Biełaruśsiu i ZŠA — litoŭski ŚMI

Usie naviny →
Usie naviny

Zialenski i Tramp źbirajucca abmierkavać pastaŭki amierykanskaj zbroi va Ukrainu

Rasijski letni nastup: jak źmianiłasia situacyja va Ukrainie za miesiac u červieni1

Nieviadomyja nazyvajucca žurnalistami žoŭtaj presy i pišuć biełarusam z prapanovaj ustupić u kamandu Siarhieja Cichanoŭskaha16

Stała viadoma pra vyzvaleńnie pres-sakratara A1 Mikałaja Bredzieleva6

Na froncie zahinuŭ namieśnik hałoŭnakamandujučaha VMF Rasii 6

Zaŭtra stanie chaładniej, a ź niadzieli znoŭ horača11

U Pałtavie pakazali nastupstvy ŭdaru pa horadzie

Dźmitryja Łukašenki nie było z baćkam i bratami na adznačeńni 3 Lipienia34

Forvard zbornaj Partuhalii i «Livierpula» Dyjohu Žota zahinuŭ u aŭtakatastrofie praź niekalki dzion paśla svajho viasiella1

bolš čytanych navin
bolš łajkanych navin

Čakajecca novy raŭnd pieramovaŭ miž Biełaruśsiu i ZŠA — litoŭski ŚMI9

Čakajecca novy raŭnd pieramovaŭ miž Biełaruśsiu i ZŠA — litoŭski ŚMI

Hałoŭnaje
Usie naviny →

Zaŭvaha:

 

 

 

 

Zakryć Paviedamić