Mižnarodny valutny fond vynies vymovu Arhientynie za niedastatkovy prahres u palapšeńni statystyki pa inflacyi i VUP i daŭ joj termin da kanca vieraśnia dla vypraŭleńnia situacyi.
Na dumku čalcoŭ vykanaŭčaj rady fondu, ź vieraśnia, kali hetaje pytańnie razhladałasia apošni raz, Arhientyna tak i nie zrabiła zachadaŭ, nieabchodnych dla vypraŭleńnia situacyi, havorycca ŭ aficyjnym paviedamleńni MVF. Rada rascaniła heta jak parušeńnie krainaj abaviazańniaŭ, uziatych na siabie pry ŭstupleńni ŭ MVF.
Nastupny raz rada vyniesie pytańnie na abmierkavańnie ŭ listapadzie. Da hetaha času jašče ni razu pytańnie ab jakaści statystyki nie pryvodziła da vyniasieńnia krainie — siabru MVF farmalnaj vymovy.
Kali situacyja nie źmienicca, to ŭ listapadzie MVF tearetyčna moža ŭvieści roznyja sankcyi suprać Arhientyny, u pryvatnaści pazbavić krainu prava hołasu i mahčymaści atrymlivać kredyty, a zatym — u addalenaj pierśpiektyvie — navat vyklučyć jaje z arhanizacyi, kažuć ekśpierty.
Adnosiny Arhientyny i MVF usie apošnija hady byli napružanymi.
Sa svajho boku MVF užo piać hadoŭ pastajanna krytykuje Arhientynu za niajakasnuju statystyku.
U pryvatnaści, ekśpierty padazrajuć arhientynskich statystykaŭ u śviadomym zanižeńni pakazčykaŭ inflacyi, kab abmiežavać patrabavańni prafsajuzaŭ, źviazanyja ź indeksacyjaj zarobkaŭ. Arhientynskija ŭłady adprečvajuć hetyja abvinavačvańni i abvinavačvajuć Fond u dvajnych standartach.
Aficyjny pakazčyk inflacyi ŭ 2012 hodzie ŭ 2,5 razu adroźnivajecca ad acenki niezaležnych ekanamistaŭ.
Kanflikt MVF u budučyni moža mieć niehatyŭnyja nastupstvy dla krainy, bo abmiažuje jaje mahčymaści pazyčać srodki i ŭ inšych mižnarodnych arhanizacyj, naprykład, Suśvietnaha banka.
Da hetaha času MVF źviartaŭsia da vymovaŭ krain u asnoŭnym za zatrymki z vypłataj kredytaŭ.
Kamientary