Litoŭski ministr: Było b dobra, kab Cichanoŭskaja sama abviaściła pra svaje płany
Ministr zamiežnych spraŭ Litvy Kiastucis Budrys zajaviŭ, što Litva nie źmienšyć padtrymku biełaruskaj apazicyi, niahledziačy na infarmacyju pra namier Śviatłany Cichanoŭskaj pierajechać ź Vilni ŭ Varšavu. Pavodle jaho słoŭ, matyvacyja Litvy zastajecca takoj ža mocnaj, jak i raniej, a demakratyčnyja pracesy ŭ Biełarusi i parušeńni pravoŭ čałavieka buduć i nadalej padymacca na mižnarodnym uzroŭni, paviedamlaje LRT.
Kiastucis Budrys padkreśliŭ, što Litva maje šmathadovy dośvied i naładžanyja miechanizmy dla padtrymki demakratyčnych sił u susiednich krainach, i hetyja mahčymaści nikudy nie źnikli. Jon adznačyŭ, što dla Litvy važna, kab Biełaruś nie źnikała ź mižnarodnaha paradku dnia, i ŭ hetym kraina bačyć svaju asablivuju rolu.
Ministr taksama zajaviŭ, što infarmacyju pra płany pierajezdu pavinna ahučvać sama Cichanoŭskaja abo jaje ofis, a nie litoŭskija ŭłady. Jon dadaŭ, što nieadnarazova sustrakaŭsia ź lidarkaj biełaruskaj apazicyi i zapeŭniŭ jaje ŭ dalejšaj padtrymcy z boku Litvy.
«Ja liču, što ŭsia kamunikacyja pra toje, što jana maje namier rabić, što maje namier rabić jaje ofis, pavinna pachodzić pierš za ŭsio ad ich, a nie ja pavinien paviedamlać, chto dzie i što kazaŭ, viedaje i hetak dalej. Ja razmaŭlaŭ ź Cichanoŭskaj na samyja roznyja temy, sustrakaŭsia nie raz, u tym liku zusim niadaŭna. Ale było b dobra, kali b jana sama abviaściła pra svaje płany», — adznačyŭ Budrys.
Asobna Budrys padkreśliŭ, što dla Litvy pryjarytetam zastajecca biaśpieka biełaruskich demakratyčnych sił, jakija znachodziacca na jaje terytoryi, a taksama ich dziejnaść. Pavodle jaho słoŭ, hetyja pryjarytety nie źmianilisia.
Raniej paviedamlałasia, što Cichanoŭskaja prainfarmavała litoŭskich parłamientaryjaŭ pra svajo rašeńnie pierajechać u Varšavu, pry hetym častka jaje kamandy, vierahodna, zastaniecca pracavać u Vilni. U kancy 2025 hoda ŭzrovień achovy Cichanoŭskaj u Litvie byŭ źnižany: zamiest śpiecyjalnaj słužby jaje pačała achoŭvać palicyja, što ŭłady patłumačyli źnižeńniem uzroŭniu pahroz.
Śviatłana Cichanoŭskaja zaviała treds. Što joj pišuć biełarusy?
Śviatłana Cichanoŭskaja paviedamiła litoŭskim parłamientaryjam pra rašeńnie pierajechać u Polšču
AFP: Cichanoŭskaja pierajazdžaje ź Litvy ŭ Polšču
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki
Daradca Cichanoŭskaj: Paśla źmieny ŭzroŭniu achovy ŭzmacniŭsia cisk na Ofis z boku režymu
Łandśbierhis pra rašeńnie pieradać achovu Cichanoŭskaj palicyi: Heta vyhadna Łukašenku
Kamientary