Kredyty ź dziaržpadtrymkaj pačali vydavacca na novych umovach
Kali pradpryjemstva nie vykonvaje ŭmovy raźvićcia, to daviadziecca admovicca ad kampiensacyi z boku biudžetu.
Bank raźvićcia pačaŭ vydavać dziaržaŭnym pradpryjemstvy kredyty pa novych umovach.
Pieršym stała «Sałodkaja kraina» z Aršanščyny, jakaja sioleta atrymaje kredyt na budaŭnictva kandytarskaj fabryki.Hrošy buduć vydadzienyja ŭ biełaruskich rublach u sumie, ekvivalentnaj 15,727 miljona jeŭra, pad harantyju Viciebskaha abłvykankama.
kredyt budzie pradastaŭleny na 15 hadoŭ z pačatkam pahašeńnia praz hod paśla ŭvodu fabryki ŭ ekspłuatacyju.Pry hetym pracentnaja staŭka pa kredycie ŭstanoŭlena ŭ pamiery ½ staŭki refinansavańnia, ale nie bolš za 7,5% hadavych.
Da zapusku fabryki pracenty pa kredycie buduć całkam kampiensavacca «Sałodkaj krainie» za košt srodkaŭ miascovaha biudžetu.
Paśla zapusku fabryki kampiensacyja budzie składać nie bolš za 6% hadavych, reštu pradpryjemstva budzie płacić samo.
Dakumientam ustanoŭleny nastupnyja ŭmovy akazańnia dziaržpadtrymki: vykanańnie ŭ 2014-2028 hadach pakazčyka pa rentabielnaści prodažaŭ; zabieśpiačeńnie z 2015 hoda hadavoha dabaŭlenaha koštu ŭ raźliku nie mienš za 25 tysiač jeŭra na adnaho rabotnika.
U vypadku nievykanańnia umovaŭ pa vynikach hoda, pradpryjemstvu daviadziecca samomu apłacić pracenty za karystańnie kredytam u dadzienym hodzie.
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary