Re1ikt i «Hołaja manaška» syhrajuć u lutaŭskim «Žyvym Tuzinie»

Hieroi biełaruskaha pank-roku, hurt «Hołaja manaška» prezentuje 24 lutaha ŭ Loft cafe svaju novuju prahramu «Nota Bene» pry padtrymcy pijaneraŭ biełaruskamoŭnaha post-metału Re1ikt.

Fiedzia Žyvaleŭski — žyvy-zdarovy, znachodzicca ŭ jasnym rozumie i pa-raniejšamu moža prapanavać aryhinalny i niepaŭtorny tvorčy pradukt. Pra heta śviedčyć prahrama «Nota Bene», jakuju hurt «Hołaja manaška» źbirajecca prezentavać u miežach «Žyvoha Tuzina». U jaje ŭvajšli pieśni, jakija byli napisanyja ŭ apošni hod. Zahałoŭny trek «Charošy znak» byŭ letaś prezentavany na Tuzin.fm ad imia sajd-prajektu Fiedzi «Viasiołaja manaška».

Akrom aŭtarskich rečaŭ u prahramu ŭklučanyja aŭtarskija pierakłady lidera «Hołaj manaški» piesień, što vykonvali Kurt Kabejn i Jahor Letaŭ — «Dziaŭčynka» i «Kula-dura». Muzyki vyjduć na scenu Loft cafe poŭnym składam i daduć paŭnavartasny kancert. «Trešu nia budzie, budzie freš! — kaža Fiedzia, — „Nota Bene“ — heta pieśni pra žyćcio i kachańnie, u jakich raspaviadajecca pra adzin z varyjantaŭ tvorčaha šlachu. Jość mierkavańnie, što praz kachańnie ziamnoje, miłasernaść i praviednaść možna spaznać kachańnie da Boha. Prosta źviarnicie ŭvahu na toje, jak heta moža vyhladać». Pieśni, što ŭvajšli ŭ prahramu «Nota Bene» isnujuć u vyhladzie dema-zapisaŭ, u najbližejšy čas muzyki źbirajucca ich darabić i vydać paŭnavartasny albom.

Padtrymaje «Hołuju manašku» hurt Re1ikt, jaki taksama rychtuje da hetaha viečaru asablivuju prahramu, kudy ŭvojduć zusim novyja, dobraviadomyja i zabytyja rečy ŭ śviežych, časam niečakanych aranžyroŭkach.

Vieści kancert «Žyvy Tuzin» pa tradycyi budzie Aleh Chamienka, muzykant i niaźmienny viadučy radyjoversii hit-paradu «Tuzin Hitoŭ». Nie abyjdziecca sprava biez padarunkaŭ ad siabroŭ «Tuzina Hitoŭ» — kampanii «Budźma biełarusami».