 Natalla Hardzijenka (Małdova) |
U niadzielu ŭ Jurmale (Łatvija) prajšoŭ treci, zaklučny tur muzyčnaha konkursu «Novaja chvala». Eksperty aceńvajuć festyval vyšej, čym viciebski «Słavianski bazar».
Pieramožcam Jurmały-2007 stała Natalla Hardzijenka (Małdova), jakaja ŭ zaklučnym tury nabrała najvyšejšuju kolkaść bałaŭ — 107, i pa vynikach troch turaŭ vyjšła na pieršaje miesca — 312 bałaŭ.
Druhoje i trecija miescy padzialili favaryty konkursu ŭkrainski duet z opernymi hałasami «Barselona» i łatyš Erhlis — u ich pa 308 bałaŭ. U Maryny z Polščy — 304 bały.
Łatvijskaja presa zaznačaje, što biełaruska Palina Smołava stała rasčaravańniem festyvalu: «Jana tolki da treciaha turu znajšła padychodziačuju dla siabie pieśniu». U vyniku biełaruska raździaliła piataje‑šostaje miescy z kazachskaj hrupaj Rin'Go. U ich pa 301 bale.
Pravaliłasia na festyvali i Rasieja. Try jejnyja vykanaŭca raźmiaścilisia adna za druhoj: dziaviataja, dziasiataja i adzinnacataja.
Apošniaje miesca na konkursie zaniaŭ novy, pa čutkach, bojfrend Smołavaj — italjaniec Alesandra. U jaho 274 bały i 18‑ie miesca.
Aficyjna vyniki konkursu i ŭznaharodžańnie projdzie siońnia ŭčiečary.
