Brytanski akcior, lubimčyk žančyn Chju Hrant znoŭ staŭ baćkam. Pra naradžeńnie syna jon abviaściŭ u svaim tvitary 16 lutaha.
«Ja vielmi rady tamu, što ŭ majoj dački zaraz jość brat. Lublu ich da niemahčymaści. U ich kłasnaja mama»,-- napisaŭ 52-hadovy akcior. Imia dziciaci i jakija-niebudź inšyja padrabiaznaści Chju Hrant nie paviedamiŭ.
Pa dadzienych The Daily Mail, chłopčyka nazvali Fieliks Čanh. Hazieta śćviardžaje, što jon naradziŭsia 29 śniežnia 2012 hoda ŭ toj ža łondanskaj lakarni, dzie, jak čakajecca, budzie naradžać hiercahinia kiembrydžskaja Kiejt Midłtan. Paśviedčańnie ab naradžeńni chłopčyku vydali 14 lutaha, na hetym ža tydni Chju Hrant raspavioŭ pra naradžeńnie syna blizkim siabram, uziaŭšy ź ich klatvu ab maŭčańni.
Pieršaje dzicia -- dačku Tabitu - naradziła Chju Hrant ŭ 2011 hodzie uradženka Kitaja Tynhłan Chonh.Tady pres-słužba akciora aficyjna paviedamiła, u Chju Hranta była ź joj «mimalotnaja suviaź», a paśla hetaj suviazi ich źviazvali tolki «siabroŭskija adnosiny». Paśla akcior vykazaŭ škadavańnie, što suviaź była karotkaj.
0
0
0
0
0
0
