Za dva dni vybaraŭ u Kaardynacyjnuju radu prahałasavała 4640 čałaviek
Paniadziełak 27 maja — apošni dzień, kali jašče možna addać hołas za adzin z 11 śpisaŭ kandydataŭ.
U pieršy dzień vybaraŭ prahałasavali 2463 čałavieki, da kanca druhoha dnia ich kolkaść uzrasła da 4640. Takim čynam, u niadzielu aktyŭnaść vybarščykaŭ była amal na 300 čałaviek mienšaj — 2177 čałaviek.
Vybary pravodziacca ŭ ciažkich umovach, kali kandydaty i vybarščyki padviarhajucca pieraśledu z boku režymu Łukašenki, jaki pryznaje i Kaardynacyjnuju radu, i vybarnyja śpisy «ekstremisckimi farmiravańniami», za spryjańnie dziejnaści jakim moža pahražać realny turemny termin.
Kab pieraškodzić praviadzieńniu vybaraŭ, ad samaha ich pačatku na sajt dla hałasavańnia była arhanizavana maštabnaja DDoS-ataka. Taksama pieršy dzień vybaraŭ adznačyŭsia pierabojami ź internetam u Biełarusi i błakavańniem VPN, bieź jakoha hałasavańnie moža być niebiaśpiečnym dla tych, chto zastajecca ŭnutry krainy.
«Naša Niva» — bastyjon biełaruščyny
PADTRYMAĆ
Kamientary