Dzie pačytać artahrafičny zakon
Našumieły prajekt vyrašyli ŭsio ž nadrukavać. Piša ŭ svaim błohu Alaksandar Kłaskoŭski.
Našumieły prajekt zakonu ab artahrafii ŭsio ž nadrukujuć. Dakładniej, vystaviać na sajcie Ministerstva adukacyi.
Navinu paviedamlaje radyjo "Svaboda". Darečy, cikava paraŭnać prahučałyja ŭ etery śviežyja vykazvańni staŭšaha ŭžo šyroka viadomym u linhvistyčnych kołach:) sp.Zdanoviča z tym, što čułasia (tut užo dziakuj "Radyjo Racyja"!) na pasiadžeńni kamisii paru tydniaŭ tamu. Vidavočnaje źmiakčeńnie tanalnaści. Tady deputatam nadta karcieła "spynić ździek z movy" (i ŭ hetym kantekście fihuravaŭ prykład "Našaje nivy", to bok taraškievicy). Ciapier staršynia kamisii zapeŭnivaje: "Heta ž nie zakon ab pakarańni za parušeńni pravił biełaruskaj artahrafii i punktuacyi. Heta zakon pra biełaruski pravapis. U im nie fihurujuć ani zachady pakarańnia, ani štrafnyja sankcyi ci źmiaščeńnie za kraty — kryj boža!".
Zaŭvažu, adnak, što adpaviednyja zachady mohuć być praduhledžany ŭ luby momant inšym zakonam. Tak było, kali niejki čas tamu ŭ Pałacie rychtavali prajekt "Ab apytańniach hramadzkaj dumki". U tandemie ź im išoŭ dakument ź blakłaj nazvaj "Ab uniasieńni dapaŭnieńniaŭ u niekatoryja zakony Respubliki Biełaruś u pytańniach praviadzieńnia apytańniaŭ hramadzkaje dumki i apublikavańnia ich vynikaŭ". Voś tam usio było ŭ najlepšym vyhladzie… Djabał toicca ŭ detalach.
Dziakavać bohu, tyja niebiaśpiečnyja dla niezaležnaj sacyjalohii prajekty ŭ vyniku byli prybranyja z vačej. Nie ŭ apošniuju čarhu praz toje, što biła ŭ zvany hramadzkaść, a potym padklučylisia i mižnarodnyja instytucyi.
Padajecca, što i ŭ vypadku z artahrafijaj da ŭładnych kabinetaŭ daniośsia peŭny rozhałas. Spačatku tam zahavaryli pra trochhadovuju adciažku z uviadzieńniem novych praviłaŭ, a ciapier voś dajšło i da sapraŭdnaha tryjumfu hałosnaści:)
Amal što dajšło. A raptam pieradumajuć (ci im parajać pieradumać)? Va ŭsiakim razie, pakul što na sajcie Minadukacyi ničoha niama. Darečy, krasamoŭny štrych: ni toj sajt, ni sajt samoj Pałaty nia majuć versijaŭ na biełaruskaj movie.
Nie raŭnujučy jak u anekdocie: i hetyja ludzi vučać mianie nie kałupacca ŭ nosie! (...nie ŭžyvać paznačennia asymilacyjnaje miakkasci:)
Ciapier čytajuć
Suśvietnaja zorka Džejsan Deruła zajechaŭ u Biełaruś. Premjer Turčyn vadziŭ jaho pa Domie ŭrada3
Kamientary