Premjeru i śpikieru Siejma Litvy prypomnili, što jany 17 hadoŭ tamu jeździli ŭ Biełaruś
U Litvie ŭźnik palityčny skandał z-za taho, što miascovy žurnalist i hramadski dziejač, zasnavalnik kanała Laisvės TV Andrus Tapinas znajšoŭ kampramat na ciapierašnich premjer-ministra krainy Hintaŭtasa Pałuckasa i śpikiera parłamienta Saŭlusa Skviarnialisa. Maŭlaŭ, u listapadzie 2008 hodzie jany čamuści jeździli ŭ Minsk, piša Delfi.lt.
Na dumku Andrusa Tapinasa, prezident Litvy Hitanas Naŭsieda pavinien byŭ by pacikavicca ŭ kiraŭnikoŭ parłamienta i ŭrada metami hetaj pajezdki.
Adnak Saŭlus Skviarnialis sam adkazaŭ Tapinasu, što pryčyna taho daŭniaha vizitu ŭ Biełaruś była prostaja — palityki adpravilisia tudy hladzieć futboł.
«Pryčyna samaja banalnaja — matč Lihi čempijonaŭ. «BATE Barysaŭ» i «Reał Madryd». My jeździli pahladzieć na «Reał Madryd», — zajaviŭ Skviarnialis.
Jon taksama padkreśliŭ, što ŭ toj čas hieapalityčnaja situacyja była inšaj — dypłamatyčnyja adnosiny ź Minskam isnavali i ŭ tahačasnaha ŭrada, i ŭ administracyi prezidenta.
«I ja jeździŭ jak hienieralny kamisar palicyi, i jak namieśnik z aficyjnymi vizitami. I jany (biełarusy) siudy pryjazdžali. U tyja časy heta było zvyčajnaj praktykaj», — skazaŭ palityk.
Saŭlus Skviarnialis paćvierdziŭ, što tady jon, Pałuckas, biznesmien Darus Vilčynskas i kiroŭca Paŭlus Žylis jechali ŭ Biełaruś u adnoj mašynie, jak staryja siabry.
22 lipienia Andrus Tapinas napisaŭ u fejsbuku, što 26 listapada 2008 hoda, pavodle źviestak pamiežnaj słužby Biełarusi, miažu krainy pierasiok lehkavy aŭtamabil marki Volkswagen, u jakim znachodzilisia Saŭlus Skviarnialis, jaki zajmaŭ u toj čas pasadu namieśnika hienieralnaha kamisara palicyi, i Hintaŭtas Pałuckas, jaki zajmaŭ u toj čas pasadu dyrektara administracyi Vilenskaha samakiravańnia. U aŭtamabili taksama znachodzilisia biznesoviec i siabar siamji abodvuch palitykaŭ Daryjus Vilčynskas i kiroŭca Paŭlus Žylis.
Śpikier Siejma Litvy pra šyrokaje vykarystańnie ruskaj movy ŭ Vilni: Z hetaj prablemaj nielha mirycca
Śpikier litoŭskaha parłamienta zaklikaŭ nie paharšać umovy dla biełarusaŭ u Litvie
Premjer Litvy: Za vyklučeńniem asobnych ludziej piataj kałony ŭ krainie niama
Premjer Litvy: Sankcyi suprać Rasii i Biełarusi pavinny być chacia b rehijanalnymi, nacyjanalnyja biez tołku
Ciapier čytajuć
Biełastok na vušach praź źniknieńnie aktyvista Vajciachoŭskaha, susieda pamierłaha špijona Usiera. A toj ciškom viarnuŭsia ŭ Biełaruś22
Kamientary