Siońnia zaviaršajucca hutarki z kandydatami na vučobu ŭ Polščy pa prahramie Kalinoŭskaha.
Jak paviedamiła kaardynatar kamiteta abarony represavanych «Salidarnaść» Eła Hareckaja, polskaje biuro prahramy vyniasie kančatkovaje rašeńnie adnosna kandydatur abituryjentaŭ paśla 6 žniŭnia. Usiaho ŭ polskija VNU płanujecca pryniać da 70 čałaviek, u pryvatnaści tych, chto źviedaŭ pieraśled z boku biełaruskich uładaŭ pa palityčnych matyvach. U adpaviednaści z umovami prahramy, na vučobu prymajucca taksama dzieci represavanych.
«Vybar VNU budzie davać polski bok — heta i humanitarnyja i techničnyja navučalnyja ŭstanovy: univiersitety ŭ Krakavie, Biełastoku, Łodzi, Poznani, Varšaŭskaja politechnika, škoła vyjaŭlenčych mastactvaŭ i handlovaja škoła ŭ Varšavie», — zaznačyła E.Hareckaja. Pavodle jaje słoŭ, hetyja miescy zabiaśpiečvajuć udzielniki Kanfierencyi rektaraŭ univiersitetaŭ, padčas jakoj kiraŭniki šerahu VNU krainy padpisali dakumienty ab udziele ŭ prahramie Kalinoŭskaha.
E.Hareckaja zajaviła, što vybar śpiecyjalnaściej vielmi vialiki. Najbolšaj papularnaściu ŭ biełaruskich studentaŭ karystajucca ekanomika, mižnarodnaje prava, pravaznaŭstva, žurnalistyka, sacyjałohija, historyja, biełaruskaja fiłałohija, vyjaŭlenčaje mastactva. «Jość i takija, chto pastupaje na muzyčnuju kulturu i ŭschodaznaŭstva», — zaznačyła E.Hareckaja. Pavodle jaje słoŭ, usim, chto prajšoŭ adbor, budzie dadziena mahčymaść navučańnia pa tych śpiecyjalnaściach, jakija jany atrymlivali ŭ biełaruskich VNU.
Navučańnie ŭ Polščy pačniecca ŭ vieraśni, paśla taho jak adabranyja studenty prasłuchajuć kursy polskaj movy.
Prahrama Kalinoŭskaha dla biełaruskich studentaŭ, jakija paciarpieli za aktyŭny ŭdzieł u palityčnych pratestach, była zasnavanaja 30 sakavika 2006 hoda ŭ Varšaŭskim univiersitecie premjer‑ministram Polščy i rektarami vyšejšych navučalnych ustanoŭ hetaj krainy. Pieršy nabor u polskija VNU pa hetaj prahramie adbyŭsia ŭ lipieni 2006 hoda. Tady na vučobu było pryniata bolš za 200 čałaviek.
Ciapier čytajuć
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach1
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary