Upraŭleńnie Śledčaha kamiteta pa Minsku pravodzić pravierku pa fakcie paškodžańnia ŭ vyniku pažaru troch aŭtapajazdoŭ u stalicy i hibieli čałavieka.Pra heta paviedamiŭ aficyjny pradstaŭnik USK pa Minsku Alaksandr Hierasimaŭ.
Pavodle infarmacyi MNS, nočču 4 sakavika na aŭtastajancy terytoryi mytnaha terminała ŭ Minsku na vulicy Pramysłovaj zdaryłasia ŭzharańnie kabiny, matornaha adsieka, tenta hruzavoha aŭtamabila «Ivieka».U vyniku pažaru paškodžana łakafarbavaje pakryćcio kabiny hruzavoha aŭtamabila «DAF», jaki staić pobač, i pakryćcio kabiny i tent paŭpryčepa susiedniaha hruzavoha aŭtamabila «MAZ». U kabinie hruzavika, jaki zahareŭsia, ratavalniki znajšli zahinułaha. Jaho asoba ŭstanaŭlivajecca.
Na sajcie MNS taksama paviedamlajecca, što 3 sakavika ŭ 8.16 pa linii 101 pastupiła paviedamleńnie ab uzharańni hruzavoha aŭtamabila ŭ vioscy Łuhavaja Słabada Minskaha rajona. Paśla prybyćcia da miesca vykliku padraździaleńniaŭ ratavalnikaŭ było ŭstanoŭlena, što harać dva hruzaviki na adkrytaj placoŭcy Minskaj aharodninnaj fabryki. U vyniku vyharali kabiny lesavoza «Skanija» i bartavoha «MAZa». Pryčyna pažaru, jak miarkujecca, — parušeńnie praviłaŭ ekspłuatacyi elektrasietak i elektraabstalavańnia (karotkaje zamykańnie elektrapravodki aŭtamabila «Skanija»).
0
0
0
0
0
0
