Ilustracyjnaje fota «Naša Niva»
Vyniesieny prysud 68-hadovamu minčuku, jakoha abvinavačvali va ŭžyvańni hvałtu da kantralora hramadskaha transparta, paviedamlajuć Minsk-naviny.
Toj ranicaj abvinavačany jechaŭ u aŭtobusie na pracu, nie apłaciŭšy prajezd. Raptam uvajšli kantralory. Kali adzin ź ich źviarnuŭsia da mužčyny, toj, zmaniŭšy, što ŭ jaho prajazny, śpiešna pakinuŭ sałon — aŭtobus jakraz padjechaŭ da prypynačnaha punkta «vulica Kulman».
Kantralor pabieh śledam za im, nieadnarazova patrabujučy spynicca, adnak parušalnik praciahvaŭ iści.
Kali rabotnik «Minsktransa» pierakryŭ jamu darohu, mužčyna pabiŭ jaho — adšturchvaŭ, chapaŭ za formiennaje adzieńnie i videarehistratar, vykručvaŭ jamu ruki i palcy.
Bieźbiletnika zatrymaŭ narad milicyi i dla dalejšaha razboru dastaviŭ u Savieckaje RUUS. Paśla ŭ dačynieńni da mužčyny raspačali kryminalnuju spravu. Vinu jon całkam pryznaŭ, u zroblenym raskajaŭsia.
Sud pryznačyŭ pakarańnie ŭ vyhladzie pazbaŭleńnia voli terminam na dva hady, adterminavaŭšy jaho vykanańnie na 2 hady. Taksama abvinavačany na karyść paciarpiełaha pavinien vypłacić 500 rubloŭ u jakaści kampiensacyi pryčynienaj maralnaj škody.
Pryhavor nie ŭstupiŭ u siłu, moža być abskardžany i apratestavany va ŭstanoŭlenym zakonam paradku.
Čytajcie taksama:
Bojka ŭ čarzie ŭ minskaj kramie skončyłasia kryminałkaj. Prysud vas ździvić
U Homieli sudzili piensijaniera, jaki paškodziŭ mašynu skarynkaj kavuna