U adroźnieńnie ad Šapiry, kiraŭniku Brestčyny raści pozna. Jon na svaim miescy, u rodnym horadzie.Ale takija, jak Sumar, traplajuć i ŭ kresła premjera, i na bieskłapotnyja pasady ŭ pałatach parłamienta. Stratehija Sumara — dakładna vykonvać daručeńni Łukašenki i nie hublać mahčymaści jaho publična pachvalić, pryčym tak, što ludzi chapajucca za hałavu. «Vy troški-troški vyšej za Boha», — daŭniaja fraza Sumara. «Za prahramu adradžeńnia vioski, ja liču, Łukašenku treba stavić pomnik pry žyćci», — a heta ŭžo pieradvybarčaja zajava ŭ 2010. Paśla takich «ščyraściaŭ» za svaju pasadu Sumar spakojny. Ź jaho jak z husaka vada navat paśla razhromnaha vizitu Łukašenki na «Ivacevičdreŭ», jaki b kaštavaŭ inšamu hubiernataru pasady.
Syn hubiernatara Andrej taksama robić hałavakružnuju karjeru. U 38 hadoŭ jon užo pałkoŭnik milicyi i kiraŭnik bresckaj abłasnoj DAI.
***
Cytata: «Vy troški-troški vyšej za Boha».
Alaksandru Łukašenku, u časie sielektarnaj narady.
***
Abjektyŭka
Nar. u 1949 u vioscy Vičyn na Łuninieččynie. Zakončyŭ Hrodzienski sielskahaspadarčy instytut (1973), Minskuju vyšejšuju partyjnuju škołu (1977). Pracavaŭ ahranomam, staršynioj kałhasa, u Łuninieckim i Bresckim rajvykankamach. U 1996—1998 — namieśnik staršyni Dziaržkantrolu. U 1998—2000 — pieršy namieśnik staršyni Minabłvykankama, u 2000—2004 — ministr padatkaŭ i zboraŭ. Staršynia Bresckaha abłvykankama (ad 2004).
Stała viadoma, chto žanich byłoj deputatki Maryi Vacilevič18
Kamientary