Dzianis Kučynski ŭ Vatykanie havaryŭ ź Sierhiejenkam i Ambrazievičam
Na pachavańni Papy Franciška ŭ Vatykanie prysutničali jak dziaržaŭnaja delehacyja ad Łukašenki na čale sa staršynioj Pałaty pradstaŭnikoŭ Iharam Sierhiejenkam, tak i dypłamatyčny daradca Śviatłany Cichanoŭskaj Dzianis Kučynski. Jon raskazaŭ «Lusterku», ci ŭdałosia jamu pahavaryć z pradstaŭnikami aficyjnaha Minska.
Pa słovach Dzianisa Kučynskaha, jamu sapraŭdy ŭdałosia niadoŭha pahavaryć ź Iharam Sierhiejenkam i ambasadaram Biełarusi u Vatykanie Juryjem Ambrazievičam. Adnak paviedamlać detali razmovy nie staŭ, adznačyŭšy, što «ŭ pieršuju čarhu my ŭsie byli tam dla taho, kab addać daninu pamiaci śviatomu ajcu Francysku».
Taksama padčas cyrymonii raźvitańnia Kučynski pahavaryŭ z prezidentami Arhienciny Chaŭjeram Milejem, Ałbanii Bajramam Biehajem, Małdovy Majaj Sandu, a taksama ministrami zamiežnych spraŭ Irłandyi, Niderłandaŭ i Rumynii.
Adbylisia karotkija pieramovy z daradcami kiraŭnicy dypłamatyi Jeŭrasajuza Kai Kałas, prezidenta Polščy Andžeja Dudy i Litvy Hitanasa Naŭsiedy, a taksama ź ijerarchami katalickaj i pravasłaŭnaj cerkvaŭ — u pryvatnaści, z kardynałam Matea Dzupi i ŭsialenskim patryjarcham Varfałamiejem.
«Sustrečy nie byli praciahłymi, ale z usimi, z kim mnie ŭdałosia pahavaryć, my abmierkavali važnyja momanty supracoŭnictva», — adznačyŭ Kučynski.
Sama Śviatłana Cichanoŭskaja nie zmahła prysutničać na cyrymonii, bo ŭ jaje na hety dzień byŭ zapłanavany šerah važnych sustreč i mierapryjemstvaŭ.
Aficyjnaja biełaruskaja delehacyja ŭžo prybyła ŭ Vatykan
Vatykan zaprasiŭ Śviatłanu Cichanoŭskuju na pachavańnie Papy Franciška
Ci moža Ihar Sierhiejenka, jaki znachodzicca ŭ sankcyjnym śpisie Jeŭrasajuza, trapić u Vatykan? Akazvajecca, lohka!
Ad Biełarusi na pachavańnie Papy Rymskaha pajedzie Ihar Sierhiejenka
Ciapier čytajuć
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI8
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary
Štirlicahienierała KHB.