Doktar miedycynskich navuk Alaksandr Kosiniec dasiahnuŭ svajoj karjernaj viaršyni ŭ siaredzinie 2000-ch, kali jaho, rektara abłasnoha mieduniviersiteta, zakinuli adrazu ŭ fatel vice-premjera. Kosiniec uziaŭsia tam za pracu z takim impetam, što ŭ 2008 byŭ ad hrachu dalej adpraŭleny nazad na Viciebščynu.
Tam Kosiniec zahareŭsia idejaj pabudavać Dysnejłend koštam $100 miljonaŭ. Niahledziačy na kryzis, jon nasiŭsia sa svajoj zadumaj jak ź pisanaj torbaj niekalki hadoŭ, dy ŭsio marna. Nastupnaja hłabalnaja ideja — adnaŭleńnie apuściełaha viciebskaha aeraporta.
Entuzijazmu Kosinca chapaje na mnohaje, bałazie ŭ vobłaści jość bahaty «Naftan» i abaviazkovy «Słavianski bazar».
***
Cytata: «U sielskaj haspadarcy rentabielnaść 7,6%. Z datacyjami. Kali biez datacyj, było b minus 7,6%».
Alaksandru Łukašenku, 2011.
***
Abjektyŭka
Nar. u 1959 u vioscy Roski Sialec na Aršanščynie. Zakončyŭ Viciebski dziaržaŭny miedycynski instytut (1982), u jakim pracavaŭ da 1994. U 1995—1997 — kiraŭnik RNPC «Infiekcyja i chirurhija», u 1997—2005 — rektar Viciebskaha dziaržaŭnaha miedycynskaha ŭniviersiteta, u 2005—2008 — vice-premjer. Staršynia Viciebskaha abłvykankama (ad 2008).
Kamientary