Pucin prapanavaŭ spynić kanflikt pa ciapierašniaj linii frontu — Financial Times
Pra zhodu spynić vajennyja dziejańni pa ciapierašniaj linii frontu prezident Rasii Uładzimir Pucin paviedamiŭ śpiecpasłańniku prezidenta ZŠA Styvu Uitkafu padčas sustrečy ŭ Sankt-Pieciarburhu, śćviardžaje Financial Times sa spasyłkaj na try krynicy.
Zhodna z prapanovaj Pucina, Rasija nibyta hatovaja admovicca ad tych častak Danieckaj, Łuhanskaj, Chiersonskaj i Zaparožskaj abłaściej, jakija jašče nie ŭziatyja pad kantrol rasijskaj armijaj.
Pa słovach krynic Financial Times, paśla hetaha ZŠA vystavili prapanovy, jakija ŭklučajuć pryznańnie Vašynhtonam anieksavanaha Kryma rasijskaj terytoryjaj, a taksama pryznańnie faktyčnaha kantrolu Rasii nad tymi častkami čatyroch rehijonaŭ, jakija jana ŭtrymlivaje ciapier.
Hetaja prapanova — pieršaje aficyjnaje śviedčańnie z pačatku vajny va Ukrainie pra toje, što Maskva moža adstupić ad svaich maksimalisckich patrabavańniaŭ, adznačaje FT.
Jeŭrapiejskija čynoŭniki, adnak, papiaredzili, što Pucin moža vykarystoŭvać hetuju sastupku jak prynadu, kab pierakanać Donalda Trampa pryniać inšyja patrabavańni Rasii i naviazać ich Ukrainie.
Kamientary