U Baku vyniesieny prysud redaktaru hazety «Churał», abvinavačanamu ŭ vymahalnictvie i ŭchileńni ad vypłaty padatkaŭ. Žurnalist asudžany da dzieviaci hadoŭ turmy.
Sam Ziejnały adchiliŭ abvinavačvańni ŭ svoj adras, zajaviŭšy, što za jaho aryštam staić administracyja prezidenta Azierbajdžana. Prychilniki žurnalista, jakija prysutničali ŭ sudzie, sustreli prysud krykami «Svaboda».
Avaza Ziejnały byŭ aryštavany ŭ kastryčniku 2011 hoda pa skarzie deputata Hiular Achmiedavaj.Jana śćviardžała, što redaktar haziety vymahaŭ u jaje hrošy, pahražajučy ŭ advarotnym vypadku publikacyjaj kampramatu.
Sam Ziejnały pisaŭ u svajoj haziecie, što Achmiedava sama prapanoŭvała jamu bujnuju sumu hrošaj u abmien na łajalnaść uładaŭ. Na hetiu prapanovu, pa słovach žurnalista, jon adkazaŭ admovaj.
Paźniej aryštavanaha redaktara haziety abvinavacili taksama va ŭchileńni ad vypłaty padatkaŭ. Sud pa jahonaj spravie pačaŭsia ŭ traŭni 2012 hoda.
Što tyčycca Hiular Achmiedavaj, to jaje samu niadaŭna aryštavali pa padazreńni ŭ machlarstvie.
U minułym Avaza Ziejnały nie raz pryciahvali da suda pa roznych abvinavačvańniach. Tak, u 2008 hodzie jon byŭ asudžany na paŭtary hady papraŭčych prac za paklop. Žurnalista taksama sudzili za publikacyju pierakładu knihi Adolfa Hitlera «Majn Kampf» (jaho abvinavačvali ŭ raspalvańni nacyjanalnaj varožaści), adnak pa hetym epizodzie jaho apraŭdali.
