Jon mieścicca niepadalok ad suda Pieršamajskaha rajona.
1 krasavika pravaabaroncy-viasnoŭcy prezientavali štohadovy ahlad-chroniku «Situacyja z pravami čałavieka ŭ Biełarusi ŭ 2012 hodzie», a taksama «Ahlad pa vynikach manitorynhu miescaŭ prymusovaha ŭtrymańnia ŭ Respublicy Biełaruś».
Ahlad-chronika «Situacyja z pravami čałavieka ŭ Biełarusi ŭ 2012 hodzie» była padrychtavanaja pravaabaroncami pavodle niepasrednych zvarotaŭ achviaraŭ parušeńniaŭ pravoŭ čałavieka, a taksama faktaŭ, sabranych pravaabarončym centram.
U padrychtoŭcy «Ahlad pa vynikach manitorynhu miescaŭ prymusovaha ŭtrymańnia ŭ Respublicy Biełaruś» braŭ udzieł juryst Pavieł Sapiełka. Ahlad achoplivaje nie tolki turmy i śledčyja izalatary, ale i zakrytyja miedyčnyja ŭstanovy, naprykład, suchotnyja dyspansiery.
Pravaabaronca Valancin Stefanovič padkreśliŭ, što «viasnoŭcy» praciahvajuć pracu i robiać heta lehalna. Adnoj z asnoŭnych zadač, jakuju jany staviać pierad saboj na bližejšy, źjaŭlajecca padrychtoŭka nazirańnia za prezidenckimi vybarami 2015 hoda.
Hałoŭnaj zadačaj dla siabie jany bačać vyzvaleńnie palitviaźniaŭ.
Prezientacyja prajšła na novym ofisie pravaabaroncaŭ, jaki mieścicca ŭ niekalkich sotniach ad budynka sudu Pieršamajskaha rajona Minska — pa adrasie vulica Miaržynskaha, 8-26.
Pierajezd na novaje miesca byŭ vymušany. Paśla aryštu pravaabaroncy Alesia Bialackaha ŭłady kanfiskavali ich raniejšy ofis.
Pierasialeńnie prypadaje na dziasiatuju hadavinu likvidacyi pravaabarončaha centra «Viasna», nahadała pravaabaronca Taćciana Raviaka. «I my ŭsio adno pracujem. Užo dziesiać hod».
Valancin Stefanovič raskazaŭ pra składanaści pry pošuku novaha pamiaškańnia. «Tre' było znajści haspadara, jaki b nie mieŭ u Biełarusi biznesu. Było pažadana, kab jon nie žyŭ tut, u Biełarusi». Pa słovach pravaabaroncy, jany znajšli akurat taki varyjant. Damova z haspadarom pamiaškańnia nadzialaje ich šyrokimi paŭnamoctvami — ad zdačy płoščaŭ u arendu, da prodažu kvatery ad imia ŭłaśnika.
-
Łukašenka na pieramovach u Amanie ŭstaviŭ takoje słova, što pierakładčyca na arabskuju razhubiłasia
-
U Lidzie pabralisia šlubam 15‑hadovyja chłopiec i dziaŭčyna. Samaj maładoj mamie Hrodzienščyny taksama 15
-
«U płanie byli jašče niekalki krain». Maršrut Łukašenki składali tak, kab nie nadta biła pa zdaroŭi
Kamientary