U Buda-Kašalovie na 6,5 hoda źniavoleńnia asudzili niepaŭnaletniaha navučenca kaledža
Chłopca 2007 hoda naradžeńnia asudzili ŭ Buda-Kašalovie za niezakonny abarot marychuany.
Abvinavačany nabyŭ bolš za 240 hramaŭ marychuany, jakuju pieravioz i zachoŭvaŭ dla dalejšaha zbytu ŭ adnym z pakojaŭ internata. Pa źviestkach suda, častku zabaronienaha rečyva jon paśpieŭ pradać niepaŭnaletniamu.
Sud pryznaŭ chłopca vinavatym u niezakonnym nabyćci, zachoŭvańni i pieravozcy narkotykaŭ u bujnym pamiery z metaj zbytu, a taksama ich zbycie na terytoryi ŭstanovy adukacyi zaviedama niepaŭnaletniamu. Małady čałaviek całkam pryznaŭ svaju vinu. Za heta jamu pryjdziecca adsiadzieć 6,5 hoda ŭ vychavaŭčaj kałonii.
Pryhavor u zakonnuju siłu nie ŭstupiŭ, moža być abskardžany i apratestavany.
Kryminalnuju spravu pakazalna razhladali ŭ prysutnaści maładych ludziej, jakija znachodziacca na ŭliku ŭ inśpiekcyi pa spravach niepaŭnaletnich.
Śpiavak Dźmitryj Kałdun pakazaŭ svaju minskuju kvateru niedaloka ad Drazdoŭ ŠMAT FOTA16
Kamientary