Heta vynikaje z raspracavanaha ministerstvam zakonaprajekta ab uniasieńni źmienaŭ u Zakon "Ab adchodach vytvorčaści i spažyvańnia" (apublikavany na sajcie ministerstva). Dakumient admianiaje sistemu harantyj pa ŭtylizacyi aŭtamabilaŭ - takim čynam Rasija "vykanaje svaje abaviazki siabra SHA pa ŭraŭnoŭvańni ŭ pravach ajčynnych vytvorcaŭ i imparcioraŭ".
Pryniaćcie takoha rašeńnia zapatrabuje šerahu zachadaŭ pa zachavańni adzinaha rynku aŭtamabilaŭ unutry Mytnaha sajuza,adznačaje pradstaŭnik Jeŭrazijskaj ekanamičnaj kamisii.
Raspracavany zakonaprajekt jašče nie pastupaŭ na ŭzhadnieńnie ŭ Minekanamraźvićcia, skazaŭ jaho pradstaŭnik. U Minfinie na pytańni "Viedamaściaŭ" nie adkazali. Papraŭki płanujecca ŭnieści na razhlad va ŭrad da kanca krasavika, kazaŭ na hetym tydni ministr pramysłovaści i handlu Dzianis Manturaŭ (jaho słovy pieradaŭ "Prajm"). U vypadku zaćvierdžańnia papraŭki ŭstupiać u siłu z 1 lipienia 2013 h., vynikaje z tekstu zakonaprajekta.
Zbor vypłačvajuć imparciory, a miascovyja aŭtavytvorcy zamiest hetaha mohuć harantavać utylizacyju vypuskanych mašyn. Bazavaja staŭka dla lehkavych aŭtamabilaŭ - 20 000 rasijskich rubloŭ, dla hruzavikoŭ i aŭtobusaŭ - 150 000 rubloŭ. Pradukcyja aŭtavytvorcaŭ ź Biełarusi i Kazachstana, jakija ŭziali na siabie harantyi pa ŭtylizacyi, zboram pry imparcie ŭ Rasiju nie abkładajucca.
U minułym hodzie ŭ Rasiju ź Biełarusi było ŭvieziena bolš za 76 000 mašyn, pavodle dadzienych "ASM-chołdynhu". Dla paraŭnańnia: z Kazachstana ŭ studzieni-listapadzie 2012 uvieziena mienš za 40 št.
Asnoŭny aŭtavytvorca Biełarusi - MAZ. U 2012 h. jon vypuściŭ kala 22 854 hruzavych aŭtamabilaŭ i bolš za 2000 aŭtobusaŭ. Pradstaŭniki MAZa i biełaruskaha Savieta ministraŭ na zapyty "Viedamaściaŭ" nie adkazali. Na rasijski rynak prypadaje kala 80% usich prodažaŭ MAZa, adznačaŭ u śniežni 2012 h. u intervju "Viedamaściam" hiendyrektar KamAZa Siarhiej Kahohin. Dziaržpakiety MAZa i KamAZa mohuć być uniesienyja ŭ rasijska-biełaruskaje SP (umovy jašče nie zaćvierdžanyja). Ci pieraškodzić prajektu nieabchodnaść vypłaty zboru pry pastaŭkach MAZa ŭ Rasiju, pradstaŭnik KamAZa nie staŭ kamientavać. "Pieramovy ab aljansie praciahvajucca, i dla nas MAZ zastajecca kankurentam", - zaŭvažaje jon.
