Dyrektar kancertnaha ahienctva «Karparacyja zabavaŭ» Andrej Alaksiejeŭ abvinavaciŭ sajt Chartyi'97 u zryvie kancertu Depeche Mode u Minsku.Pra heta jon zajaviŭ u intervju muzyčnamu sajtu Ultra-Music. Jon adreahavaŭ na publikacyju, u jakoj tłumačyłasia, što kvitki na Depeche Mode u Minsku daražej, čym u Prazie i Dziusieldorfie.
"Heta arhanizacyi, jakija isnujuć na hrošy, jakija jany atrymlivajuć ź Jeŭropy, ad niejkich haspadaroŭ. U mianie takoje adčuvańnie, što jany atrymali zadańnie sarvać kancert Depeche Mode u Biełarusi i pakazać, jak u Jeŭraźviazie dobra i tanna, navat nie ŭnikajučy ŭ maštaby placovak. Im prosta pastupiła zadača ad Jeŭraźviaza pryciahnuć biełaruskich hramadzian z hrašyma na kancerty tudy (u Jeŭropie zaraz kryzis). Ale, miarkujučy pa ŭsim, ich pijar-akcyja pravaliłasia, kvitki na mienski kancert pradajucca dobra.
Biźnies «Chartyi'97» ja baču ŭ kupli i prodažy palityčnaj infarmacyi tak, jak im vyhadna. Jany, u adroźnieńnie ad mianie (ja rezident Respubliki Biełaruś i žyvu ŭ hetaj krainie), čamuści raźmiaščajuć svoj sajt za miežami Biełarusi.
Hetak ža ja liču, što «Chartyja'97» «dapamahła» spravakavać kryzis 2011 hoda. Ja liču, što jany ŭ hetym vinavatyja.Ja zajmajusia svaim biźniesam i sprabuju ludziej unutry krainy zabiaśpiečyć tym, što inšyja ludzi ŭ jeŭrapiejskich krainach atrymlivajuć u siabie doma. Ja starajusia rabić niejkaje dabro svajoj krainie i niejkim čynam jaje raźvivać. A kali ludzi, svajo zarabiŭšy, sami tonuć i jašče dziesiać miljonaŭ ludziej prymušajuć biadnieć - heta niespraviadliva. Čamu hetyja ludzi žyvuć u hetaj krainie?Heta palityka, ja ŭ jaje mocna leźci nie chaču, ale ja b z hetymi tavaryšami dziejničaŭ jašče bolš žorstka.
Im tut nie padabajecca žyć - jany mohuć źjechać. Heta vybar luboha volnaha čałavieka.
Viedajecie, jość dzieci, jakija naradžajucca ŭ bahatych siemjach, a jość dzieci, narodžanyja ŭ biednych siemjach. U kahości jość mahčymaść atrymać adukacyju ŭ Harvardzie, a niechta vychodzić u darosłaje žyćcio z adukacyjaj u try kłasy. Pytańnie nie ŭ tym, jakaja ŭ ciabie adukacyja, a ŭ tym, što ty chočaš i što ty možaš dać śvietu, kab jon u dalejšym niejkim čynam tabie adpłaciŭ. Historyja pa ŭsim śviecie śviedčyć pra toje, što ludzi z roznaj adukacyjaj i roznymi žadańniami, čaściakom naohuł biez adukacyi, dasiahali vialikich pośpiechaŭ u žyćci. Michajła Łamanosaŭ staŭ akademikam nasupierak usiamu.
Kali b ja kazaŭ: mnie tut zaminaje voś hetaja kampanija - «Pałac Respubliki», naprykład. Jana ž dziaržaŭnaja i moža paŭpłyvać na zakanatvorčaść u biźniesie. Kali łaska, prybiarycie «Pałac Respubliki» - heta było b śmiešna! Paraza - heta zaŭsiody ščaście. Niemahčyma zaŭsiody pieramahać. Heta jak u biźniesie, jak u žyćci, u niejkich adnosinach pamiž ludźmi. Treba rabić vysnovy. Jość dobryja hulcy, a jość chrenovyja. Kali ty žorstki hulec, to kali ty sustrakaješsia z mocnym supiernikam, tvaja sprava vučycca i stanavicca macniej.
Toje ž samaje z kvitkami na Depeche Mode. Kolki krain u Jeŭraźviazie? Kala tryccaci. Biełaruś uvajšła ŭ 17 krain, jakija atrymali Depeche Mode u pieršaj častcy jeŭrapiejskaha tura. Znamianalnaja padzieja, što ŭ nas apošni kancert, my zaviaršajem tur. Dzieści heta dobra, dzieści heta drenna dla arhanizataraŭ.
My vielmi ŭvažliva vyvučali situacyju ŭ jeŭrapiejskich krainach. Tam robiać kancert na placoŭkach ad 20 da 65 tysiač čałaviek. U «Miensk-Arenu» mieścicca 15 tysiač. Nie mohuć być adnolkavymi košty tam, dzie 65, i tam, dzie 15.Pa-pieršaje, heta biźnies. Pa-druhoje, u artysta jość peŭnyja čakańni pa hanarary. Mahčyma, košt byŭ by nižejšym, ale nichto na rynku nie zachacieŭ z nami ŭdzielničać u spabornictvie pa open-ejru. Pieršapačatkova była ideja zrabić open-ejr. My byli hatovyja, ale hurt nie atrymaŭ nijakich alternatyŭnych prapanoŭ. U «Miensk-Arenie» budzie adno z samych narmalnych šoŭ.
Za 65 jeŭra vy budziecie artysta bačyć blizka, a nie z fan-zony, jakaja zajmaje pałovu futbolnaha pola.
Ja mahu skazać, što mianie vielmi raduje rekłama vilenskaha kancertu. U joj havorycca: «Depeche Mode u Vilni. Sapraŭdnaje jeŭrapiejskaje šoŭ z sapraŭdnym jeŭrapiejskim hukam»... Litva - dobraja jeŭrapiejskaja kraina. Nakolki ja viedaju historyju, Vilnia kaliści naležała Biełarusi. U Vilni žyvie 250-300 tysiač čałaviek. My žyviem u horadzie z dvuchmiljonnym nasielnictvam. Mnie zdajecca, što u dvuchmiljonnym horadzie mahčymaściaŭ bolš, čym u horadzie z 250-300 tysiačami nasielnictva. U maleńkim horadzie, viadoma, jość i svaje plusy.
Ale ja nie razumieju, čamu biełarusy, žyvučy ŭ pryhožaj krainie, u jakoj našmat bolš mahčymaściaŭ (mahčyma, trochi mienš zabaŭ, i jany ledź adroźnivajucca ad vilenskich), pastajanna hladziać u bok Litvy.Ja zhodny, što ŭ ich bolšy vybar rečaŭ, minijeŭrapiejski šarm, ale padańnie na kaleni pierad Jeŭropaj niapravilnaje. Ja zhodny, što ŭ ich mnohija rečy zroblenyja našmat bolš pravilna i lepiej, ale davajcie nie zabyvać pra toje, što ŭ kožnaha svoj šlach. My maładaja kraina i kudy-niebudź my pryjdziem. Z pamyłkami, moža być, ź niejkimi svaimi niapravilnymi rečami.
Z časam staniem kvitniejučaj i bahataj krainaj, ale heta zaležyć ad kožnaha z nas.
Jeŭrapiejskaje šou ŭ Vilni nijakim čynam ad jeŭrapiejcaŭ z Prybałtyki nie zaležyć. Usimi techničnymi, łahistyčnymi i astatnimi pytańniami zajmajecca hurt Depeche Mode. I jon nijakim čynam ni ŭ Litvie, ni ŭ Biełarusi, ni ŭ Vielikabrytanii, ni ŭ Italii nie padpuścić miascovaha arhanizatara da arhanizacyi huku, śviatła i hetak dalej. Jany sami raspracoŭvajuć kancepcyju, najmajuć padradčykaŭ i viazuć pa ŭsim tury.
U paraŭnańni ź Litvoj u nas mienšaja placoŭka. I my nie majem nijakaha dačynieńnia da pradakšn Depeche Mode. Jany pryvoziać usio z saboj, viazuć navat dadatkovyja LED-ekrany. Ja navat nie viedaju, dla čaho jany patrebnyja ŭ «Minsk-Arenie». U Vilni placoŭka na 25 tysiač, u nas budzie maksimum 13 tysiač čałaviek. I ź ich 10 tysiač - siadziačyja miescy, u adroźnieńnie ad jeŭrapiejskaha kancerta ŭ Litvie".
